De conformidade coa proposta elevada pola comisión constituída para xulga-lo concurso, convocado por resolución desta universidade do 4 de xaneiro de 1996 (BOE do 9 de febreiro de 1996) para a provisión da praza de profesora titular de universidade da área de coñecemento de toxicología e lexislación sanitaria do departamento de Anatomía Patolóxica e Ciencias Forenses, da Universidade de Santiago de Compostela, a favor de María Victoria Lareu Huidobro, e cumprindo o/a interesado/a os requisitos a que alude o artigo 5.2º do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a María Victoria Lareu Huidobro, profesora titular de universidade da área de coñecemento de toxicología e lexislación sanitaria, do departamento de Anatomía Patolóxica e Ciencias Forenses, da Universidade de Santiago de Compostela.

Santiago de Compostela, 5 de novembro de 1996.

F. Darío Villanueva Prieto

Rector da Universidade de Santiago de Compostela

96-7094