Advertidos erros no devandito decreto, publicado no DOG nº 189, do xoves 26 de setembro de 1996, cómpre face-las seguintes correccións:
-Na páxina 8.667, no apartado 2 do artigo terceiro, omitiuse o seguinte texto que será intercalado a continuación do apartado 2. En representación da Administración local: «Un representante por cada unha das deputacións provinciais galegas, designados polo presidente do Consello Asesor, por proposta de cada deputación».
-Na páxina 8.667, no punto 3 do artigo terceiro e nos dous primeiros parágrafos, exprésanse os membros do consello que representarán ás tres universidades de Galicia como especialistas en temas de telecomunicación e en temas de audiovisual.
Ámbolos dous parágrafos substitúense polo seguinte texto:
«Un representante por cada unha das tres universidades de Galicia, especialistas en temas de telecomunicación e audiovisual, designados polo presidente do Consello Asesor, por proposta de cada un dos respectivos rectores».
-Na páxina 8.667, no cuarto parágrafo do apartado 9 do artigo terceiro, onde di: «Un representante por cada unha das cadeas privadas de frecuencia modulada da nosa Comunidade, designado polo presidente do Consello Asesor, por proposta destas» debe dicir: «Un representante por cada unha das cadeas privadas de onda media ou de frecuencia modulada da nosa comunidade, designado polo presidente do Consello Asesor, por proposta destas».
-Na páxina 8.668, no apartado 11 do artigo terceiro, entre os dous parágrafos que comprenden este apartado, ten que incluírse o seguinte texto: «Un representante das asociacións de telespectadores e radioíntes, designado polo presidente do Consello Asesor, por proposta conxunta de todas elas».
-Na páxina 8.668, no artigo 4º, que modifica o artigo 8º do Decreto 307/1995, do 13 de xullo, que se refire á composición da Comisión Permanente, onde di: «-Un do apartado 6, do artigo terceiro», debe dicir: «-Un do apartado 5 e 6, do artigo terceiro».
-Na páxina 8.668, no artigo 4º, que modifica o artigo 8º do Decreto 307/1995, do 13 de xullo, que se refire á composición da Comisión Permanente, onde di: «-Un do apartado 7, do artigo terceiro», debe dicir: «-Dous do apartado 7, do artigo terceiro».
-Na páxina 8.668, no artigo 4º, que modifica o artigo 8º do Decreto 307/1995, do 13 de xullo, que se refire á composición da Comisión Permanente, debe incluírse no penúltimo lugar da relación dos vocais o seguinte membro: «Un do apartado 12, do artigo terceiro».