Visto o texto da revisión do convenio colectivo para o sector das axencias de distribución de butano (código 2700015), da provincia de Lugo, asinado o día 4 de xuño de 1996, pola representación da Asociación Provincial de Empresarios de Distribución de Butano e da central sindical CIG, e de conformidade co disposto no artigo 90 apartados 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo.

Esta delegacion provincial,

ACORDA:

Primeiro.-Ordena-la inscrición da revisión do citado convenio colectivo no rexistro de convenios desta delegación, así como o seu depósito.

Segundo.-Remiti-lo texto da revisión do mencionado convenio á Dirección Xeral de Relacións Laborais da Xunta de Galicia.

Terceiro.-Dispoñe-la súa publicación no Diario Oficial de Galicia.

Lugo, 14 de xuño de 1996.

Carlota Novo Ríos

Secretaria provincial de Lugo

(Dto. 13/1994, do 20-1)

ACTA

Asistentes:

Pola Asociación Provincial de Empresarios de Distribución de Butano de Lugo:

José Luis Coldeira Amor

Guadalupe Hervera Iglesias

Polas centrais sindicais:

CIG(2)

Mª del Carmén Antas Pérez

Ignacio Javier García Gómez

En Lugo, sendo as 17 horas do día 4 de xuño de 1996, reúnense nos locais da CEL as persoas á marxe relacionadas, todas elas integrantes da comisión mixta paritaria prevista no artigo 5 do vixente convenio colectivo provincial de distribución de butano de Lugo para proceder á aplicación da cláusula de revisión salarial prevista no parágrafo segundo do artigo 4 bis do convenio colectivo provincial de distribución de butano de Lugo.

Despois das deliberacións pertinentes adóptanse por unanimidade os seguintes acordos:

Primeiro.-Aproba-la táboa de salarios do ano 1995 que servirá de base para aplica-lo incremento salarial que se pacte para o convenio colectivo provincial de distribución de butano de Lugo do ano 1996.

Segundo.-Os atrasos que resulten da aplicación da táboa de salarios aprobada e que se xunta á presente acta faranse efectivos dentro do mes seguinte á publicación da presente acta.

Terceiro.-Remiti-la presente acta á autoridade laboral pertinente para efectos da súa aprobación e publicación.

E non tendo máis asuntos que tratar levántase a sesión en lugar e data indicados.

Táboa salarial do convenio de distribución de butano de Lugo. Vixencia: 1/1/1995 ó 31/12/1995

6830