De conformidade co acordado pola Corporación Provincial, na sesión do 25 de outubro de 1996, anúnciase concurso para contrata-la concesión do servicio de abastecemento de auga ó polígono de San Cibrao das Viñas e concellos limítrofes.
Os pregos de condicións publícanse íntegros no BOP de Ourense do día 4 de novembro e seranlles facilitados gratuitamente ós interesados. A fianza provisional para concorrer ó concurso é de 1.000.000 de ptas. e a fianza definitiva de 50.000.000 de ptas.
As ofertas e documentación presentaranse no rexistro xeral da deputación ata as 12 horas do vixésimo sexto (26º) día natural seguinte ó da publicación do pertinente anuncio no BOE.
Modelo de proposición: Don/Dona... veciño de..., con enderezo na rúa..., número..., DNI..., actuando en nome propio/ou en representación de..., segundo poder verificado a súa suficiencia que se achega, informado do anuncio publicado pola deputación no BOE número..., correspondente ó día..., de..., de..., e no BOP de Ourense número..., correspondente ó día... de... de..., relativo ó expediente instruído para adxudica-la concesión administrativa mediante concurso para a concesión da explotación do servicio de abastecemento de augas ó polígono industrial de San Cibrao das Viñas e concellos limítrofes, con coñecemento do prego de condicións económico-administrativas e técnicas e demais documentos que integran o expediente do citado concurso, no nome e representación invocada afirma:
1. Que acepta na súa integridade o prego de condicións económico-administrativas e técnicas referentes ó concurso para a explotación do servicio de abastecemento de auga ó polígono industrial de San Cibrao das Viñas e concellos limítrofes.
2. Que se compromete, no caso de ser adxudicatario do concurso, á prestación dos servicios obxecto do contrato, suxeitándose en todo momento ás condicións establecidas e demais disposicións aplicables, as cales manifesta coñecer nas seguintes condicións:
Que o canon que percibirá a deputación é de... (en letra e número) ptas./m facturado ós aboados, que resulta da diferencia entre a tarifa media (... en letra e número ptas./m) vixente neste momento e o custo unitario do servicio (ou retribución proposta de... en letra e número) ptas./m.
3. Que propón un volume de investimento de... (en letra e número) ptas. para a execución do plano de investimentos.
4. Únense ademais, duplicado dos documentos previstos nas letras b) e c) da cláusula 35.1. (data e sinatura).
Información: Secretaría xeral da deputación e sección de Vías e Obras. Rúa Progreso, 32. Teléfono 38 51 00.
Ourense, 8 de novembro de 1996.
O presidente
Rubricado