O artigo 28 do vixente Estatuto de autonomía de Galicia establece no seu apartado 2º a competencia
da Comunidade Autónoma galega no desenvolvemento lexislativo e a execución da lexislación do Estado en materia de expropiación forzosa.
Con data 23 de xullo de 1991, o conselleiro de Política Territorial, Obras Públicas e Vivenda aprobou o correspondente proxecto de trazado.
Por Decreto 270/1991, do 30 de xullo, declárase a utilidade pública das mencionadas obras, e asímesmo, urxente a ocupación dos bens afectados por estas para efectos do prevido no artigo 52 da vixente Lei de expropiación forzosa.
Na súa virtude e en cumprimento do disposto nos artigos 52 da vixente Lei de expropiación forzosa, do 16 de decembro de 1954, e 56 e seguintes do Regulamento para a súa aplicación, esta xefatura, en uso das facultades que lle confire o artigo 98 da mencionada lei, resolveu convoca-los titulares de bens e dereitos afectados que figuran na relación exposta no taboleiro de anuncios dos concellos de Laracha e Carballo, para que comparezan nos lugares, datas e horas que se citan para proceder ó levantamento das actas previas á ocupación nas que se recollerán os datos necesarios para determina-los dereitos afectados, o valor destes e os prexuízos determinantes da rápida ocupación, sen prexuízo de se trasladaren ó lugar dos predios se o consideran necesario.
-Termo municipal de Laracha.
Local: Edificio Servicios Múltiples (Laracha).
Día: 25 de novembro, de 10 a 12.30 horas.
-Termo municipal de Carballo.
Local: Local Social de Sísamo (Carballo).
Día: 26 de novembro do predio 22 ó 318, de 10 a 13 horas. Día 27 de novembro do predio 319 ó 1016, de 10 a 13 horas.
Ó dito acto deberán acudi-los titulares afectados persoalmente ou ben representados pola persoa debidamente autorizada para actuar no seu nome, achegando os documentos acreditativos da súa titularidade, documento nacional de identidade e o último recibo da contribución, podendo facerse acompañar, pola súa conta, se o consideran oportuno dos seus peritos e notarios.
Así mesmo e no cumprimento do establecido no artigo 56 do regulamento da Lei de expropiación forzosa, ábrese información pública durante un prazo de 15 días naturais, contados a partir do seguinte ó da publicación desta resolución no Boletín Oficial del Estado ou ata o momento do levantamento da acta previa á ocupación correspondente. Co fin de que os interesados poidan formular por escrito, ante esta Xefatura Provincial de Estradas da Xunta de Galicia na Coruña, praza Luis Seoane s/n, 8ª planta, as alegacións que consideren pertinentes con obxecto de emendar posibles erros padecidos ó relaciona-los bens afectados pola ausente ocupación.
A Coruña, 31 de outubro de 1996.
Antonio Fernández Sarasquete
Enxeñeiro-xefe da Xefatura Provincial de Estradas da Coruña
8250