A Comisión Municipal de Goberno, en sesión ordinaria celebrada o día 3 de outubro de 1996, adoptou o seguinte acordo:

1. Aprobar inicialmente o proxecto de pavimentación da Rúa San Paio, fronte ó número 38, por instancia de Francisco Regueira Vázquez, debendo constituír fianza por importe de tres millóns trescentas vintesete mil setecentas oitenta e unha peseta, (3.327.781 ptas.) para responder da correcta execución das obras.

2. Solicitar do interesado a execución, sequera provisional, do adecentamento do antigo talude da vía do ferrocarril, co tratamento observado pola urbanización que se executará fronte ós números 34 e 36.

3. Somete-lo expediente a información pública polo prazo de quince días, anunciando este no BOP e no DOG e nun dos xornais de maior circulación da provincia, para o seu exame e presentación das alegacións que procedan.

Durante o dito prazo, que comezará a partir do día seguinte á publicación deste anuncio, se poderán presenta-las alegacións que se consideren pertinentes.

Este anuncio suple as circunstancias que poidan concorrer ó disposto no artigo 59 da Lei 30/1992, do 26 de novembro.

Ourense, 21 outubro de 1996.

Manuel J. Cabezas Enríquez

Alcalde-presidente

8032