De conformidade co disposto polo artigo 59.4 da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común (LRXPA), notifícolles ós denunciados que teñen os catos persoais e último enderezo coñecido que se sinalarán a seguir, as incoacións dos correspondentes expedientes sancionadores acordadas polo delegado provincial da Consellería de Agricultura, Gandería e Montes de Ourense, por presuntas infraccións da Lei de protección de espacios naturais e da flora e fauna silvestres 4/1989, do 27 de marzo, BOE do 28/3.
Así mesmo, designo instructora dos expedientes a María Rosa Rodríguez Cougil, quen poderá ser obxecto de recusación en calquera momento da tramitación dos expedientes, cando concorra calquera dos supostos determinados nos artigos 28 e 29 da LRXPA.
Os denunciados disporán dun prazo de quince (15) días hábiles, contados a partir do seguinte ó da publicación desta notificación para que poidan examina-los expedientes nesta delegación provincial, sita na rúa do Progreso nº 161, entresollado e presenta-los descargos e documentos que consideren convenientes na súa defensa.
De non presentaren alegación no prazo fixado consonte o artigo 13 do Regulamento 1398/1993, do 4 de agosto, de procedemento para o exercicio da potestade sancionadora, este acordo de iniciación poderá ser considerado proposta de resolución para tódolos efectos.
Este órgano administrativo acordará a terminación do procedemento no suposto de que o interesado recoñeza a súa responsabilidade nos cargos que se lle imputan e proceda, en calquera momento anterior á resolución do procedemento e empregando os impresos normalizados que lle serán facilitados nas oficinas desta delegación provincial ou en calquera outra dependente da Xunta de Galicia, ó pagamento voluntario da sanción que en cada caso corresponda. Todo isto sen prexuízo da posibilidade que asiste a cada expedientado de formula-los recursos que establece a lexislación aplicable e vixente, e ó abeiro do artigo 8 do citado regulamento.
O órgano competente para resolve-los procedementos sinalados dentro da Consellería de Agricultura, Gandería e Montes en Ourense, virá determinado polo tipo de infracción cometida, segundo o artigo 12 da LRXPA e no Decreto 5/1987, do 14 de xaneiro, da Consellería de Agricultura, Gandería e Montes.
Ourense, 7 de outubro de 1996.
Jacobo Gómez-Orellana Rodríguez
Delegado provincial de Ourense
ANEXO
Nº expediente: 3/1995FS
Nome e apelidos do denunciado: José Fernández Sequeiros.
Último enderezo coñecido: r/ Aloques 12, O Porriño (Pontevedra).
Feito denunciado: cazar especies non permitidas en época de veda.
Precep. infrinxido e sancionador: Art. 39 da Lei 4/1989, de espacios naturais e da flora e fauna silvestres.
Sanción proposta: 50.000
Instructora: Mª Rosa Rguez. Cougil.
Nº expediente: 5/1995FS
Nome e apelidos do denunciado: José da Silva Ferreiro.
Último enderezo coñecido: r/ Domingo Bueno 12, O Porriño (Pontevedra).
Feito denunciado: cazar especies non permitidas en época de veda.
Precep. infrinxido e sancionador: Art. 39 da Lei 4/1989, de espacios naturais e da flora e fauna silvestres.
Sanción proposta: 50.000
Instructora: Mª Rosa Rguez. Cougil.
8254
