Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se detallan:

Solicitante: Unión Eléctrica-Fenosa, S.A.

Enderezo social: Severo Ochoa, 2, 15008 A Coruña.

Denominación: L.M.T. Tomada-Lestón.

Situación: A Pobra do Caramiñal.

Descricións técnicas: liña eléctrica aéreo-subterránea de media tensión, a 20 kV, para alimentación do polígono industrial da Tomada; o treito subterráneo baixo tubo e con conductor R.H.V. 12/20 kV de 3 (1x240) mm Al, de 492 m de lonxitude, que discorre polo chan do polígono e no treito aéreo sobre apoios metálicos e de formigón, con conductor LA-110, de 2.460 m de lonxitude, con orixe na liña Palmeira-A Pobra (expediente 52282) e final no entroncamento a paso subterráneo mencionado.

Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

A Coruña, 25 de setembro de 1996.

Juan Ignacio Lizaur Otero

Delegado provincial da Coruña

9607695