De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á empresa Deconnorsa a resolución do contrato de obras de remodelación de accesos na Delegación Provincial da Consellería de Sanidade de Lugo.
Antecedentes.
1) Con data 22-10-1992, dictábase resolución pola que se adxudica a obra de referencia á empresa Deconnorsa, por importe de 4.918.954 ptas., e 1 mes de prazo.
2) Con data 18-7-1993, a dirección facultativa solicita a recepción provisional da obra de referencia.
3) Con data 23-8-1993 a delegación provincial fixa o día 25-8-1993 ás 11.30 h. da mañá para proceder á recepción provisional das obras. A dita recepción concorreron o delegado provincial Luis Abades Álvarez, o arquitecto Eduardo Herráez Fernández como director de obra e José Luis Valderrama Jiménez pola empresa Deconnorsa, sen que puidese comproba-lo funcionamento do ascensor, por canto estaba desconectado e non foi posible a localización da persoa responsable da casa Schindler, subministradora do aparello elevador, quedando fixada a dita comprobación a partir do día 6 de setembro.
4) Transcorrido un tempo a dirección facultativa da obra púxose en contacto coa empresa subministradora, a que en conversación telefónica manifestou que o contratista da obra non lle pagara o importe da máquina instalada e que non podía atende-los requirimentos de poñer en funcionamento o ascensor e poder face-la recepción provisional.
5) Con data 28-10-1993 envíase un escrito con xustificante de recepción á empresa Deconnorsa no que se lle solicitan os boletíns de industria para poder dar de alta a instalación do ascensor e face-lo contrato de mantemento, escrito que foi devolto por correo por non recollelo a empresa destinataria.
6) Con data 1-2-1995 a empresa Deconnorsa presenta un escrito no que solicita a recepción definitiva das obras, carecendo da sinatura do director da obra.
7) Con data 28-5-1996 remítese escrito da Subdirección de Investimentos á Delegación Provincial de Lugo no que se insta ó reinicio da recepción provisional.
8) Con data 6-6-1996 a delegación provincial fixa como data para a recepción o día 17 ás 12 horas.
9) Con data 17-6-1996 ás 12 horas levántase acta de recepción provisional cos seguintes reparos:
1. Incomparecencia da empresa, citada por escrito con xustificante de recepción. Segundo informa o servicio de correos, cesou na súa actividade.
2. A empresa non achegou documentación que acredite autorización administrativa do aparello elevador.
10) De acordo co artigo 60 da LCAP, solicítase informe da asesoría xurídica, que o emite en sentido favorable.
Resolución:
Por isto, en vista do exposto, e do artigo 170 de Regulamento xeral de contratos, acórdase a resolución do contrato de obras coa empresa Deconnorsa, para a remodelación de accesos na Delegación de Sanidade de Lugo, adxudicado por resolución do presidente do Sergas o día 22-10-1992, con incautación da garantía definitiva (211.568 ptas).
A presente resolución pon fin á vía administrativa, podendo intepoñerse contra a ela recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ó desta publicación, de conformidade co disposto no artigo 58 da Lei reguladora da xurisdicción contencioso-administrativa, do 27 de decembro de 1956, ou exercitar calquera outro que estimen pertinente.
Santiago de Compostela, 14 de outubro de 1996.
P.D. (Decreto 64/1996, do 15-2-1996)
Antonio Fernández-Campa García-Bernardo
Director Xeral de Recursos Económicos
7618