Para os efectos previstos no Decreto 2617/1966, do 20 de outubro, sométese a información pública a solicitude da empresa Jesús Alonso, S.A. (Jealsa, S.A.), con domicilio social no polígono industrial de Espiñeira, no municipio de Boiro (A Coruña), para a autorización administrativa da instalación que se executará na factoría da empresa situada no anterior enderezo.
Planta de coxeración coas características seguintes:
Unha central de coxeración grupo D composta polos seguintes elementos:
-Catro motores alternativos de combustión interna en ciclo diesel, que funcionan con fuel oil de 3.675 kW mecánicos cada un.
-Catro xeradores síncronos trifásicos de 3.750 kVA cada un, cunha tensión de xeración de 6 kV.
-Un centro de transformación de 6/20 kV, con catro transformadores de 4.000 kVA tipo interior, y un trafo 20/0,380 kV de 315 kVA para a alimentación dos servicios auxiliares de coxeración.
-Instalacións complementarias de aproveitamento de calores.
-Instalacións de baixa tensión de regulación e control de todo o sistema.
-Outras instalacións auxiliares e de interconexión coa rede da compañía eléctrica distribuidora.
O investimento necesario para a planta calcúlase en 685.000.000 de ptas.
Todas aquelas persoas ou entidades que se consideren afectadas poderán presenta-las súas reclamacións ou oposición, no prazo de trinta días, nesta delegación provincial, edificio administrativo de Monelos, 15071 A Coruña.
A Coruña, 10 de outubro de 1996.
Juan I. Lizaur Otero
Delegado provincial da Coruña
7944