Visto o expediente incoado nesta delegación provincial a petición de Unión Eléctrica-Fenosa, S.A., con domicilio na Coruña, no que solicita autorización e declaración de utilidade pública para o establecemento da instalación eléctrica nomeada L.A.T. a 66 kV desde a sub. de Portodemouros ata a sub. de Silleda, e cumpridos os trámites regulamentarios ordenados no capítulo III do regulamento aprobado polo Decreto 2619/1966, sobre expropiación forzosa e sancións en materia de instalacións eléctricas, e de acordo co disposto no Real decreto 6634/1980, sobre transferencias de competencias da Administración do Estado á Xunta de Galicia en materia de industria, esta delegación provincial, resolveu:

Autorizar a Unión Eléctrica-Fenosa, S.A. a instalación eléctrica que ten como características principais as seguintes: liña de alta tensión, a 66 kV, de 17.790 m de lonxitude, con conductor tipo LA-180, sobre apoios metálicos e de formigón, desde a subestación de Portodemouros ata a futura subestación de Silleda, concellos de Vila de Cruces, Lalín e Silleda.

Declara-la utilidade pública da instalación eléctrica que se autoriza, para os efectos sinalados na Lei 10/1966, sobre expropiación forzosa e sancións en materia de instalacións eléctricas, e no seu regulamento de aplicación do 20 de outubro de 1966.

Esta instalación non poderá entrar en servicio mentres o seu peticionario non conte coa aprobación do proxecto de execución, logo de cumpri-los trámites que se sinalan no capítulo VI do citado Decreto 2617/1966, do 20 de outubro.

Pontevedra, 23 de setembro de 1996.

Ramón Álvarez Abad

Delegado provincial de Pontevedra

7431