Para os efectos previstos no Decreto 2617/1966, do 20 de outubro, sométese a información pública a solicitude da empresa Jesús Alonso, S.A. (Jealsa, S.A.), con enderezo social no lugar de Punta Naranxo-Bodión s/n, no municipio de Boiro (A Coruña), para a autorización administrativa da instalación que se executará na factoría da empresa ubicada no anterior enderezo.
Planta de coxeración coas características seguintes:
Unha central de coxeración grupo D composta polos seguintes elementos:
-Tres motores alternativos de combustión interna en ciclo Diesel, funcionando con fuel-oil de 3.300 kW mecánicos cada un.
-Tres xeradores sincronos trifásicos de 3.300 kVA cada un, cunha tensión de xeración de 6 kV.
-Un centro de transformación 66/6 kV cun transformador de 9,9 mVA.
-Instalacións auxiliares e complementarias de aproveitamento do calor, de regulación e control
de todo o sistema e de interconexión coa rede da compañía eléctrica distribuidora.
O orzamento necesario para a planta estímase en 526.000.000 millóns de pesetas.
Todas aquelas persoas ou entidades que se consideren afectadas poderán presenta-las súas reclamacións ou oposición, no prazo de trinta días, nesta delegación provincial, edificio administrativo Monelos, 15071 A Coruña.
A Coruña, 10 de outubro de 1996.
Juan I. Lizaur Otero
Delegado provincial da Coruña
7685