A Confederación Hidrográfica do Norte, da Secretaría de Estado de Augas e Costas, solicita autorización para a realización das obras de acondicionamento hidráulico do río Sar, no contorno da Colexiata do Sar, no concello de Santiago de Compostela (A Coruña).
Breve descrición das obras:
Encanamento do río Sar nun tramo que comenza augas abaixo da presa existente nas proximidades
da Colexiata do Sar e remata na ponte da rúa do Sar, tendo unha lonxitude aproximada de 400 metros.
La sección prevista é trapezoidal, de 10 m de base e noiro 2:1 (H:V) e unha pendente uniforme do 0,9%.
Sométese a solicitude de autorización ó trámite de información pública durante o prazo de veinte (20) días, contados a partir da data de publicación deste anuncio no Diario Oficial de Galicia e no BOP da Coruña, co fin de que todas aquelas persoas naturais ou xurídicas que se consideren afectadas nos seus dereitos poidan formular por escrito, e duplicado exemplar, as reclamacións e/ou observacións que estimen pertinentes, no concello de Santiago de Compostela (A Coruña) e nas oficinas do Departamento de Xestión do Dominio Público Hidráulico do Organismo Autónomo Augas de Galicia, situadas nos edificios administrativos da Xunta de Galicia, r/ San Caetano, s/n, Santiago de Compostela, e na Comisión Provincial de Medio Ambiente da Coruña. Nestes dos últimos lugares estará a disposición o expediente e a documentación técnica para que poida ser examinada por quen o desexe.
O que se fai público para xeral coñecemento e para os efectos previstos no Regulamento do dominio público hidráulico, aprobado polo Real decreto 849/1996, do 11 de abril, e no decreto 327/1991, do 4 de outubro, de avaliación de efectos ambientais para Galicia.
Santiago de Compostela, 7 de outubro de 1996.
Jesús V. Pazo Buján
Xefe do Servicio de Xestión do Dominio Público Hidráulico
7740