A Dirección Xerencia do Complexo Hospitalario Cristal-Piñor de Ourense, en virtude das atribucións que lle foron delegadas conforme o establecido na Orde do 22 de maio de 1996 (DOG do 6 de xuño) da Consellería de Sanidade e Servicios Sociais, convoca o seguinte concurso público:

Contratación de subministración: 1 lavalouza de cinta para 6.000 pratos/hora, incluíndo montaxe e substitución polo existente.

Orzamento: 13.600.000 pesetas (IVE incluído).

Forma de adxudicación: procedemento aberto mediante concurso público, polo trámite de urxencia.

Prazo de execución: 45 días, contados a partir da data da notificación da adxudicación.

Admisión de variantes: admítense, sempre e cando se superen o estipulado nas prescricións técnicas.

Solvencia económica e financeira: de acordo co establecido no Art. 16, apartados a) e c), da Lei 13/1995, de contratos das administracións públicas.

Solvencia técnica: de acordo co establecido no Art. 18, apartados b), c) e e) da referida Lei 13/1995.

Criterios de adxudicación: 1) Calidade técnica, ata 4 puntos. 2) Valoración económica, ata 4 puntos. 3) Asistencia técnica, ata 1 punto. 4) Prazo de execución, ata 1 punto.

Documentación de interese para os licitadores: os pregos de cláusulas administrativas particulares e técnicas, e demais documentación complementaria poden ser solicitados no Servicio de Compras do Complexo Hospitalario Cristal-Piñor, rúa Ramón Puga 52, (edificio de administración-planta baixa), de Ourense, en días hábiles, das 9 ás 13 horas, agás sábados.

Fianzas.

Provisional: 272.000 pesetas (2% de 13.600.000). Deberá ser depositada previamente á licitación nalgunha das formas que establece o artigo 36 da devandita Lei 13/1995. No caso de ser constituída mediante aval, será suficiente a inclusión da póliza da entidade financeira pola que se formalice o aval.

Definitiva: será do 4% do importe de licitación.

Presentación de proposicións: deberán ser presentadas en man, en sobres pechados e asinados polo licitador ou persoa que o represente, no rexistro xeral deste complexo hospitalario, antes das 13 horas do décimo terceiro día natural contado desde o seguinte ó da publicación desta resolución no DOG, ou enviadas por correo dentro do prazo sinalado. No caso de que o devandito día coincida en sábado ou festivo, o prazo de presentación finalizará o seguinte día hábil.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (988) 38 58 49 ou telegrama no mesmo día, de conformidade coa lexislación vixente.

Apertura de proposicións: terá lugar en acto público na sala de xuntas anexa á Dirección de Xestión do complexo hospitalario, ás 10 horas do décimo primeiro día natural contado desde o seguinte a aquel no que remate o prazo de presentación de

ofertas. No caso de que o dito día coincida en sábado ou festivo a apertura de proposicións terá lugar o día hábil seguinte.

Documentación que achegarán os licitadores: os documentos sinalados nos pregos de cláusulas administrativas particulares e técnicas.

Gastos de anuncios: serán por conta do adxudicatario.

Ourense, 11 de outubro de 1996.

Pedro A. Soler Bordoy

Director xerente do Complexo Hospitalario Cristal-Piñor

6911