Rematado o proceso de selección dos beneficiarios das accións de apoio económico ós estudiantes universitarios, correspondentes ós anexos I, II, IV, V, VI e VII da Orde do 9 de maio de 1996 pola que se convocan as citadas accións, (DOG nº 100, do 22 de maio), procede, atendendo a proposta elaborada pola comisión avaliadora prevista no artigo 3 da devandita orde, facer pública a relación provisional de beneficiarios de conformidade coas respectivas bases.
En consecuencia, esta dirección xeral,
RESOLVE:
Primeiro.-Facer pública a relación provisional de beneficiarios das accións de apoio económico ós estudiantes universitarios convocadas pola Orde do 9 de maio de 1996, (DOG do 22 de maio), que a continuación se indica:
-Axudas a asociacións de estudiantes das universidades galegas,(anexo I).
-Axudas a estudiantes das universidades galegas para a realización de viaxes culturais de carácter pedagóxico,(anexo II).
-Axudas complementarias ás bolsas de carácter xeral de estudios universitarios convocadas polo MEC (curso 95/96), dirixidas a estudiantes con residencia en Galicia pero que realizan estudios de carácter oficial e validez nacional nas universidades públicas de fóra de Galicia, (anexo IV).
-Axudas de desprazamento para a realización de prácticas recoñecidas nos plans de estudios correspondentes ás titulacións autorizadas pola Xunta de Galicia nas universidades galegas, (anexo V).
-Financiamento de viaxes para estadías nalgún estado membro da U.E. co obxecto de coñece-la lingua dese país, (anexo VI).
-Axudas complementarias do programa de acción da U.E. de mobilidade de estudiantes (Sócrates-Erasmus), (anexo VII).
Segundo.-As ditas relacións provisionais estarán expostas nos taboleiros de anuncios da Consellería de Educación e Ordenación Universitaria, das súas delegacións provinciais, e dos vicerrectorados de estudiantes das tres universidades de Galicia.
Terceiro.-Contra esta resolución poderase formular reclamación no prazo de dez (10) días, contados desde o seguinte ó da publicación desta resolución no Diario Oficial de Galicia. A reclamación presentarase no rexistro xeral da Consellería de Educación e Ordenación Universitaria ou por calquera das formas previstas no artigo 38.4º da Lei 30/1992, de réxime xurídico das administracións públicas e do procedemento administrativo común.
Santiago de Compostela, 9 de outubro de 1996.
José Manuel Touriñán López
Director xeral de Universidades e Investigación
9607417