O Concello Pleno, en sesión ordinaria celebrada o día 13 de setembro de 1996, adoptou, entre outros, o seguinte acordo:
Aprobar inicialmente a modificación do estudio de detalle da unidade de actuación zona 1 do SU-6, incoado a pedimento de Carmen González Rivera.
Somete-lo expediente a información pública polo prazo de quince días, mediante anuncios no DOG, no BOP así como nun dos xornais de maior circulación da provincia.
Pola presente resolución anúnciase a exposición pública do dito proxecto polo prazo de quince días, contados a partir do seguinte ó da publicación deste anuncio, para que as persoas ou entidades interesadas presenten, no mencionado prazo, aquelas alegacións que consideren pertinentes. Todo iso de conformidade co artigo 117 do T.R.L.S.
O que se comunica para os efectos oportunos.
Ourense, 20 de setembro de 1996.
O alcalde-presidente
Rubricado