Polo presente anuncio ponse en xeral coñecemento que o Concello Pleno, en sesión ordinaria celebrada o día 13 de setembro de 1996, adoptou, entre outros, o seguinte acordo:
1. Aprobar inicialmente o proxecto de urbanización parcial da rúa Miraflores, na Carballeira de Arriba, a pedimento de Asunción González Estévez, cos condicionantes técnicos sinalados polos servicios municipais, debendo constituír garantía por importe de novecentas setenta e dúas mil setecentas noventa e dúas pesetas (972.792 ptas.), para responder das obras, e,
2. Somete-lo expediente a información pública polo prazo de quince días, anunciando esta no BOP, no Diario Oficial de Galicia e nun dos xornais de maior circulación da provincia, para o seu exame e presentación das alegacións que procedan.
De conformidade co artigo 117 do T.R.L.S., sométese a exposición pública durante 15 días, contados a partir do día seguinte ó da publicación deste anuncio, para que poida ser examinado e presentadas as alegacións procedentes.
Este anuncio suple as circunstancias que poidan concorrer no disposto no artigo 59 da Lei 30/1992, do 26 de novembro.
Ourense, 20 de setembro de 1996.
O alcalde-presidente
Rubricado
7196