Aprobado tecnicamente, por resolución do organismo autónomo Augas de Galicia do 9 de setembro de 1996, o proxecto para a defensa de avenidas do río Sar en Padrón (A Coruña). Treito: acondicionamento do cauce existente desde a ponte da Meana ata a de Extramundi. desagregación 1ª fase, clave: OH.415.378; sométese o citado proxecto ó trámite de información pública durante un período de trinta días hábiles, a partir da publicación deste anuncio no Diario Oficial de Galicia, co fin de que, aqueles que o consideren oportuno poidan formular por escrito as observacións que crean convenientes ante o organismo autónomo Augas de Galicia, situado nos edificios administrativos de San Caetano en Santiago de Compostela e ante a Alcaldía de Padrón, así como na Comisión Provincial de Medio Ambiente da Coruña, lugares onde estará á disposición do público o proxecto de referencia.
O que se fai público para os efectos do previsto na Lei de expropiación forzosa e no Decreto 327/1991, do 4 de outubro, de avaliación de efectos ambientais para Galicia.
Santiago de Compostela, 11 de setembro de 1996.
Emilio García Gallego
Presidente do Organismo Autónomo Augas de Galicia
7437