O Pleno deste Concello, en sesión do 12 de setembro de 1996, adoptou o seguinte acordo:

Primeiro.-Aprobar inicialmente o estudio de detalle na rúa Frián (Teis) formulado por Fernando Rodríguez Otero e demais propietarios do ámbito e redactado polos arquitectos Castro e Alonso, con visados do COAG con datas 29-12-1995, 22-3-1996 e 23-4-1996, e a delimitación dunha unidade de execución referida ó mesmo ámbito, para o que se fixa como sistema de actuación o de compensación, consonte cos informes do expediente administrativo municipal número 3899/411.

Segundo.-Somete-lo expediente a exposición pública durante o prazo de quince días mediante a publicación de anuncios no DOG, BOP, taboleiro oficial de edictos da Casa do Concello e nun xornal dos de maior circulación da provincia, con notificación persoal ós propietarios do ámbito.

Terceiro.-Sinalar como área afectada pola suspensión de licencias de parcelación, edificación e demolición a abranguida polo seu ámbito e cos segintes límites: norte, rúa Frián; sur, edificio Fenosa; leste, zona verde; e oeste, rúa Frián.

O que se fai público para xeral coñecemento, coa indicación de que a documentación está ó dispor dos interesados na oficina municipal de información (planta baixa da Casa do Concello) para exame e alegacións.

Vigo, 23 de setembro de 1996.

Manuel Pérez Álvarez

Alcalde

9606710