Convócase concurso público, por procedemento aberto e trámite de urxencia, para a subministración dunha máquina ensaio de impacto de péndulo, durómetro, accesorios para máquina ensaios Instron 5566 para a E.U. Politécnica de Ferrol.

O prego de cláusulas administrativas particulares para a contratación de subministración por concurso público, pódese retirar na xerencia, Servicio de Xestión Económica, na sede do rectorado sita na r/ Maestranza, s/n, A Coruña, de luns a venres, e de 9 a 14 horas.

As propostas presentaranse no rexistro xeral da universidade, r/ Maestranza, s/n, A Coruña de luns a venres e de 9 a 14 horas.

O prazo de presentación de proposicións rematará ás 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia.

A apertura de plicas celebrarase o terceiro día hábil seguinte ó do remate do prazo de presentación das proposicións, ás 11 horas da mañá na Sala de Xunta da Xerencia; se este día coincide en sábado realizararse o luns seguinte á mesma hora.

Orzamento de contratación: catorce millóns cincocentas mil pesetas (14.500.000).

Garantía provisional: duascentas noventa mil novecentas pesetas (290.000).

A Coruña, 18 de setembro de 1996.

P.D. (Resolución 30-3-1990)

José María Pujalte Giménez

Xerente

7070