O Pleno do Concello, en sesión do día 8-2-1996, acordou o seguinte:

1. Aprobar inicialmente o estudio de detalle da U.E. II-04 para uso industrial Ricardo Mella na parroquia de San Andrés de Comesaña, promovido pola comunidade de bens San Andrés, representada por Alberto Alonso Macía e Bartolomé Campins Transpuesto, redactado polos arquitectos Arturo e Eduardo Fraga Fernández e visado polo COAG con data 12 de maio de 1995, tendo en conta que a parcelación e a asignación de edificabilidade que figura no estudio de detalle debe considerarse, a título indicativo, pendente de concreción no oportuno proxecto de compensación.

2. Somete-lo expediente a información pública durante o prazo de quince días mediante anuncios no DOG, BOP, taboleiro oficial de anuncios do concello e un xornal dos de maior circulación da provincia, con notificación persoal ós propietarios e restantes interesados directamente afectados.

O que se fai público en cumprimento do punto 2º do acordo plenario, e signifícase que o prazo de exposición ó público se entenderá aberto desde a primeira publicación ata o remate dos quince días contados desde o derradeiro anuncio.

A documentación atópase na oficina municipal de información (baixo do concello).

Vigo, 4 de setembro de 1996.

José Antonio Gil Sotres

Alcalde Acctal.

Números de teléfono do Diario Oficial de Galicia

Teléfonos: 544268 - 544270

Fax: 544272 - 544273