Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que a continuación se detalla:
Solicitante: Barras Eléctricas Galico-Asturianas, S.A.
Enderezo social: Cidade de Viveiro, 4-1º, Lugo.
Denominación: reelectrificación de Seixomil e outros.
Situación: Meira.
Características técnicas: rede de baixa tensión en conductor R.Z.-95-50, sobre postes de formigón ou grampados sobre fachadas, para mellora de servicio eléctrico en Seixomil, Marrondo, Murias, Azoreira, Sebe de Abade, Granda e Espido, no concello de Meira. Cinco centros de transformación de 100 kVA en Seixomil, 25 kVA en Marrondo, 25 kVA en Murias e 50 kVA en Azoreira e Sebe de Abade.
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu:
Autorizar, declarar de utilidade pública e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
Lugo, 17 de xullo de 1996.
Jesús Bendaña Suárez
Delegado provincial de Lugo
9606649