A Secretaría Xeral da Consellería de Agricultura, Gandería e Montes resolveu convoca-la seguinte licitación polo sistema de concurso aberto:
Obxecto: contratación da execución da obra de adaptación do edificio nº 6 para uso docente na Escola de Capacitación Agraria Pedro Murias (Ribadeo-Lugo) X-3692 (EX-018), de acordo cos proxectos e pregos aprobados para ela.
Orzamento de licitación: vintedous millóns cento sesenta e oito mil seiscentas corenta e nove pesetas (22.168.649 ptas).
Prazo de execución: seis (6) meses.
Clasificación: categoría C, grupo C.
Fianza provisional: exenta.
Fianza definitiva: oitocentas oitenta e seis mil setecentas corenta e seis pesetas (886.746 ptas.).
Exposición do proxecto e pregos: o proxecto así como o prego de cláusulas administrativas particulares estarán a disposición dos licitadores para o seu exame durante o prazo de presentación de proposicións, os días e horas hábiles de oficina, na Dirección Xeral de Estructuras e Desenvolve
mento Rural da Consellería de Agricultura, Gandería e Montes (San Caetano, s/n, Santiago de Compostela).
Modelo de proposición: a proposición económica formularase estrictamente conforme o modelo que figura no prego de cláusulas administrativas particulares.
Presentación e apertura de proposicións: as proposicións serán entregadas no rexistro xeral da Consellería de Agricultura, Gandería e Montes ou en calquera das vías admitidas polo artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, antes das 14 horas do día 15 de outubro de 1996.
A apertura de proposicións terá lugar o día 22 de outubro de 1996, ás 13 horas, nas oficinas da Secretaría Xeral da Consellería de Agricultura, Gandería e Montes (San Caetano, Santiago de Compostela).
Gastos de publicación: serán por conta dos adxudicatarios.
Santiago de Compostela, 5 de setembro de 1996.
P.D. (Orde 13-12-1993, DOG nº 239, 14-12-1993)
Antonio L. Rosón Pérez
Secretario xeral da Consellería de Agricultura, Gandería e Montes
6747
