Galego | Castellano

DOG - Xunta de Galicia -

Diario Oficial de Galicia
DOG Núm. 184 Xoves, 19 de setembro de 1996 Páx. 8.513

VI. ANUNCIOS

DA ADMINISTRACIÓN AUTONÓMICA

CONSELLERÍA DE INDUSTRIA E COMERCIO

RESOLUCIÓN do 19 de agosto de 1996, da Dirección Xeral de Industria, pola que se somete a información pública o estudio de impacto ambiental da planta de tratamento de residuos sanitarios promovida por Remesa no concello de Cerceda (A Coruña).

O artigo 5.2º do Decreto 442/1990, de avaliación do impacto ambiental para Galicia (DOG nº 188,

do 25-9-1990), dispón que os estudios de impacto ambiental se someterán ó trámite de información pública, durante trinta días hábiles, mediante anuncio no Diario Oficial de Galicia. Na súa virtude,

RESOLVO:

Someter a información pública, por un prazo de trinta días hábiles, contados a partir da publicación da presente resolución, o estudio de impacto ambiental de implantación dunha planta de tratamento de residuos sanitarios, radicada no lugar coñecido como Acevedo, concello de Cerceda (A Coruña) e solicitado por Remesa.

Para os efectos informativos poñerase a disposición dos administrados que o soliciten un exemplar del para a súa consulta nas oficinas desta dirección xeral e as alegacións formularanse durante o prazo sinalado nas mesmas oficinas.

Santiago de Compostela, 19 de agosto de 1996.

Joaquín del Moral Crespo

Director xeral de Industria

9606757