Esta delegación provincial, unha vez cumpridos os trámites administrativos correspondentes, resolveu anunciar concurso público para a contratación do servicio de cafetería da residencia-fogar da terceira idade de Burela.
1. Precio mínimo de explotación: 75.000 ptas./ano.
2. Exposición de documentación: os pregos de cláusulas administrativas particulares e demais documentación técnica poderán examinarse no Servicio de Axudas e Programas da Delegación Provincial de Sanidade e Servicios Sociais de Lugo, sita en Doutor García Portela, nº 11 durante o prazo de presentación de proposicións desde as 10 ás 14 horas, en días hábiles ágas sábados.
3. As proposicións económicas axustaranse ó modelo establecido que figura unido ó prego de cláusulas administrativas particulares.
4. Lugar: a presentación de proposicións farase no rexistro xeral da Delegación Provincial da Consellería de Sanidade e Servicios Sociais de Lugo, r/ Montevideo, nº 9, en sobres pechados, ou por correo, con xustificación da data de imposición e a comunicación o mesmo día ó órgano da contratación mediante telegrama ou telefax.
5. Prazo de presentación de proposicións: comezará o día seguinte ó da publicación da presente resolución no Diario Oficial de Galicia e rematará o décimo terceiro día natural ás 14 horas.
6. Apertura de proposicións: será realizada pola mesa de contratación o sexto día natural seguinte
ó do remate do prazo de presentación de proposicións nos locais da Delegación Provincial da Consellería de Sanidade e Servicios Sociais de Lugo, ás 12 horas, en acto público. Se coincidise este día en sábado ou festivo reunirase o primeiro hábil seguinte, á mesma hora.
7. Documentación que presentarán os licitadores: a esixida na cláusula 10ª do prego de cláusulas administrativas particulares.
8. O pagamento deste anuncio será por conta do adxudicatario.
Lugo, 3 de setembro de 1996.
P.A. (Artigo 16.2, Decreto 198/1994, de 16-6-1994)
Julio Veloso Balboa
Secretario provincial
6493