En cumprimento do disposto no artigo 31 do regulamento da Lei 10/1966, do 18 de marzo, sobre expropiación forzosa e sancións en materia de instalacións eléctricas, aprobado polo Decreto 2619/1966, do 20 de outubro, sométese a información pública, por instancia da empresa Barras Eléctricas Galaico-Asturianas, S.A., con domicilio en Lugo, r/ Cidade de Viveiro, 4, a solicitude de declaración da necesidade de urxente ocupación para os efectos da imposición da servidume de paso de enerxía eléctrica sobre os bens e dereitos que se afectan, segundo o disposto no parágrafo 1 do artigo 14 do citado regulamento. A seguir transcríbese a relación individualizada de cada expediente, na que se indican os interesados cos que non foi posible o acordo amigable para a execución da instalación seguinte:
-L.M.T. ó centro de transformación de Romariz, reelectrificación de Damil, Begonte, autorizada e declarada de utilidade pública, por resolución desta delegación do 13 de xullo de 1995.
Para os efectos do disposto no nº 3 do artigo 16 do regulamento mencionado, calquera persoa, dentro dos quince días seguintes ó da derradeira publicación deste anuncio, que terá lugar no BOP de Lugo, no Diario Oficial de Galicia e no xornal El Progreso, e os interesados, no mesmo prazo, contado a partir do día seguinte ó da notificación individual que se lles efectuará, poderán achegar por escrito e por triplicado os datos oportunos para corrixiren posibles erros na relación indicada, así como formularen as alegacións procedentes por razón do disposto nos artigos 25 e 26 do devandito regulamento, para o cal quedarán expostos os expedientes, cos planos de situación e os parcelarios das instalacións, nesta dependencia, sita en Lugo, r/ Pascual Veiga, 12-14, en horas de oficina.
En todo caso os propietarios afectados poderán reclamar por medio desta delegación que o peticionario lles facilite os demais datos que consideren precisos para a identificación dos seus bens.
Lugo, 8 de agosto de 1996.
Jesús Bendaña Suárez
Delegado provincial de Lugo
ANEXO
Relación de propietarios, bens e dereitos afectados
L.M.T. ó C.T.I. de Romariz (Damil-Begonte)(Reelectrificación da parroquia de Damil-Begonte)(Expte. 4275 A.T.)
Pred. nº Lugar Parroquia Cultivo Propietario (Dn./Dª) Domicilio Afección (superficie m)
1 Leira da Veiga Damil Labor Carlos Fernández Taboada Romariz. Damil. 27375 Begonte 140 de voo e 0,60 do apoio nº 1 2 Id. Id. Id. Luís Sousa Fernández R/ Magistrado Manuel Artime, 18-12 Dta., 15004 A Coruña 994 de voo e 0,60 do apoio nº 1 e 1,32 do apoio nº 2
6451