A Secretaría Xeral da Consellería de Agricultura, Gandería e Montes, resolveu convoca-la seguinte licitación polo sistema de concurso aberto:
Obxecto: contratación da execución da obra de reforma para a Escola de Capacitación Agraria de Monforte de Lemos (Lugo) EX-017, de acordo cos proxectos e pregos aprobados para ela.
Orzamento de licitación: vintecatro millóns cincocentas cincuenta e nove mil duascentas trinta e unha pesetas (24.559.231 ptas.).
Prazo de execución: doce (12) meses.
Clasificación: categoría C, grupo C.
Fianza provisional: exenta.
Fianza definitiva: novecentas oitenta e dúas mil trescentas sesenta e nove pesetas (982.369 ptas.).
Exposición do proxecto e pregos: o proxecto así como o prego de cláusulas administrativas particulares estarán a disposición dos licitadores para o seu exame durante o prazo de presentación de proposicións, os días e horas hábiles de oficina, na Dirección Xeral de Estructuras e Desenvolvemento Rural da Consellería de Agricultura, Gandería e Montes (San Caetano, s/n, Santiago de Compostela).
Modelo de proposición: a proposición económica formularase estrictamente conforme o modelo que figura no prego de cláusulas administrativas particulares.
Presentación e apertura de proposicións: as proposicións serán entregadas no rexistro xeral da Consellería de Agricultura, Gandería e Montes ou en calquera das vías admitidas polo artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, antes das 14 horas do día 7 de outubro de 1996.
A apertura de proposicións terá lugar o día 11 de outubro de 1996, ás 13 horas, nas oficinas da Secretaría Xeral da Consellería de Agricultura, Gandería e Montes (San Caetano, Santiago de Compostela.
Gastos de publicación: serán por conta dos adxudicatarios.
Santiago de Compostela, 3 de setembro de 1996.
P.D. (O 13-12-1993, DOG nº 239, 14-12-1993)
Antonio L. Rosón Pérez
Secretario xeral da Consellería de Agricultura, Gandería e Montes
6371