A Constitución española resérvalle ó Estado, no artigo 149.1.13º, a competencia sobre as bases e coordinación da planificación xeral da actividade económica.
Por outra parte, o Estatuto de autonomía para Galicia, aprobado pola Lei orgánica 1/1981, do 6 de abril, atribúelle á Comunidade Autónoma galega, no seu artigo 30.1.tres, a competencia exclusiva en materia de agricultura e gandería, de acordo coas bases e a ordenación da actuación económica xeral e da política monetaria do Estado, nos termos do disposto nos artigos 38, 131 e no artigo 149.1.11 e 13º da Constitución.
A Lei 30/1992, do 26 de novembro, de réxime xurídico das administracións públicas e do procedemento administrativo común, no artigo 15, regula os convenios de encomenda de xestión.
Acordado o traspaso de medios vinculados ás funcións correspondentes ás competencias autonómicas e acordado tamén entre o Ministerio de Agricultura, Pesca e Alimentación e a Comunidade Autónoma de Galicia, o convenio de encomenda de xestión en canto ás actuacións relativas á intervención e regulación de mercados, procede traspasa-los medios persoais e orzamentarios precisos para a xestión que se cita.
A comisión mixta prevista na disposición transitoria cuarta do Estatuto de autonomía para Galicia, para proceder ó referido traspaso, adoptou ó respecto, na súa sesión do pleno celebrado o día 21 de decembro de 1995, o oportuno acordo, a virtualidade práctica do cal esixe a súa aprobación polo Goberno mediante real decreto.
Na súa virtude, en cumprimento do disposto na disposición transitoria cuarta do Estatuto de autonomía para Galicia, por proposta do ministro de Administracións Públicas e logo de deliberación do Consello de Ministros na súa sesión do día 19 de xullo de 1996,
DISPOÑO:
Artigo 1º
Apróbase o acordo da comisión mixta de transferencias prevista na disposición transitoria cuarta do Estatuto de autonomía para Galicia, adoptado polo pleno da dita comisión, na súa sesión do día 21 de decembro de 1995, sobre traspaso á Comunidade Autónoma de Galicia dos medios persoais e orzamentarios precisos para a xestión en canto
ás actuacións relativas á intervención e regulación de mercados e que se transcribe como anexo ó presente real decreto.
Artigo 2º
En consecuencia, quedan traspasados á Comunidade Autónoma de Galicia os medios e créditos orzamentarios que se relacionan no propio acordo da comisión mixta, nos termos alí especificados.
Artigo 3º
O traspaso a que se refire este real decreto terá efectividade a partir da data sinalada no acordo da mencionada comisión mixta, sen prexuízo de que o Ministerio de Agricultura, Pesca e Alimentación produza, ata a entrada en vigor deste real decreto, se é o caso, os actos administrativos necesarios para o mantemento dos servicios no mesmo réxime e nivel de funcionamento que tivesen no momento da adopción do acordo.
Artigo 4º
Os créditos orzamentarios que se determinen, de conformidade coa relación número 3 do anexo, serán dados de baixa nos correspondentes conceptos orzamentarios e transferidos polo Ministerio de Economía e Facenda ós conceptos habilitados na sección 32 dos orzamentos xerais do Estado, destinados a financia-lo custo dos servicios asumidos polas comunidades autónomas, unha vez que se remitan ó departamento citado por parte do Ministerio de Agricultura, Pesca e Alimentación os respectivos certificados de retención de crédito, co fin de dar cumprimento ó disposto na normativa vixente sobre orzamentos xerais do Estado para 1996.
Disposición derradeira única
O presente real decreto será publicado simultaneamente no Boletín Oficial del Estado e no Diario Oficial de Galicia, adquirindo vixencia a partir da súa publicación.
Dado en Madrid o 19 de xullo de 1996.
Xoán Carlos R.
Mariano Rajoy Brey
Ministro de Administracións Públicas
ANEXO
Rosa Rodríguez Pascual e Alfonso Vaquero Marín, secretarios da comisión mixta prevista na disposición transitoria cuarta do Estatuto de autonomía para Galicia,
Certifican:
Que na sesión plenaria da comisión mixta, celebrada o día 21 de decembro de 1995, se adoptou
acordo polo que se lle traspasan á Comunidade Autónoma de Galicia os medios persoais e orzamentarios correspondentes á xestión das funcións e servicios en materia de agicultura (FEGA) nos termos que a seguir se expresan.
A) Referencia a normas constitucionais, estatutarias e legais nas que se ampara o traspaso.
O artigo 149.1.13º da Constitución establece que queda reservada ó Estado a competencia sobre as bases e coordinación da planificación xeral da actividade económica.
O Estatuto de autonomía para Galicia, aprobado por Lei orgánica 1/1981, do 6 de abril, atribúelle á Comunidade Autónoma galega, no seu artigo 30.1.tres a competencia exclusiva en materia de agricultura e gandería, de acordo coa ordenación xeral da economía.
A Lei 30/1992, do 26 de novembro, de réxime xurídico das administracións públicas e do procedemento administrativo común, no artigo 15, regula os convenios de encomenda de xestión.
Acordado o traspaso de medios vinculados ás funcións correspondentes ás competencias autonómicas e acordado tamén entre o Ministerio de Agricultura, Pesca e Alimentación e a Comunidade Autónoma de Galicia o convenio de encomenda de xestión en canto ás actuacións relativas á intervención e regulación de mercados, procede traspasa-los medios persoais e orzamentarios precisos para a xestión que se cita, completando o persoal traspasado á Comunidade Autónoma para o exercicio das súas competencias na materia, co que se recolle neste acordo.
B) Medios persoais adscritos ós servicios a xestión dos cales asume a Comunidade Autónoma e que se traspasan a esta.
1. O persoal adscrito ós servicios dos cales a xestión será exercida pola Comunidade Autónoma de Galicia, e que aparece citado na relación adxunta número 1, pasará a depender da Comunidade Autónoma de Galicia, nos termos legalmente previstos no Estatuto de autonomía e demais normas en cada caso aplicables e nas mesmas circunstancias que se especifican nos seus expedientes de persoal.
2. A Subsecretaría do Ministerio de Agricultura, Pesca e Alimentación notificaralle ós interesados o traspaso e a súa nova situación administrativa, tan pronto como o Goberno aprobe o presente acordo por real decreto. Así mesmo remitiraselle ós órganos competentes da Comunidade Autónoma de Galicia unha copia certificada de tódolos expedientes deste persoal traspasado, así como dos certificados de haberes referidos ás cantidades devengadas durante 1996.
C) Bens, dereitos e obrigas que se traspasan.
Traspásanse á Comunidade Autónoma de Galicia os bens inmobles e dereitos que se detallan na relación adxunta número 2.
No prazo dun mes desde a publicación do real decreto polo que se aproba este acordo asinaranse as correspondentes actas de entrega e recepción de mobiliario, equipos e material inventariable.
D) Valoración definitiva das cargas financeiras correspondentes ós medios persoais e orzamentarios correspondentes á xestión das funcións e servicios que se traspasan.
1. A valoración definitiva do custo efectivo que, en pesetas de 1990, corresponde ós medios adscritos ós servicios traspasados á Comunidade Autónoma de Galicia elévase a 106.898.497 pesetas.
2. O financiamento, en pesetas de 1996, que corresponde ó custo efectivo anual dos medios que se traspasan detállase na relación adxunta número 3.
3. O custo efectivo que figura detallado nos cadros de valoración da relación número 3 financiarase da seguinte forma:
Transitoriamente, ata que o custo efectivo se compute para revisa-la porcentaxe de participación da Comunidade Autónoma de Galicia nos ingresos do Estado, o custo total financiarase mediante a consolidación na sección 32 dos orzamentos xerais do Estado dos créditos relativos ós distintos compoñentes no dito custo, polos importes que se determinen, susceptibles de actualización polos mecanismos xerais previstos en cada lei de orzamentos.
As posibles diferencias que se produzan durante o período transitorio, a que se refire o parágrafo anterior, respecto do financiamento dos servicios transferidos, serán obxecto de regularización no peche do exercicio económico, mediante a presentación das contas e estados xustificativos correspondentes ante unha comisión de liquidación que se constituirá no Ministerio de Economía e Facenda.
E) Inventario da documentación.
A entrega de documentación e expedientes dos servicios traspasados realizarase no prazo dun mes desde a publicación do real decreto polo que se aproba este acordo.
F) Data de efectividade do traspaso.
O traspaso de medios obxecto deste acordo terá efectividade a partir do día seguinte ó da entrada en vigor do real decreto polo que se aprobe este acordo.
E para que conste, expedímo-la presente certificación en Madrid, o 21 de decembro de 1995. Os secretarios da comisión mixta, Rosa Rodríguez Pascual e Alfonso Vaquero Marín.
RELACIÓN NÚMERO 2
Galicia
Inmobles - FEGA
m
Localidade Enderezo Situación xurídica Superficie
plantas 4ª e 5ª. plantas 1ª e 5ª
planta 7º.
A Coruña Rúa Barrio Monelos,
ESAM 595
Lugo Rúa Ronda Muralla, 134,
Arrendamento 290
Ourense Avenida Habana, 79. Precario 497 Rúa Curros Enríquez, 1,
Precario 41
Vigo Estación Marítima. Arrendamento 200
Vehículos - FEGA
matriculación
Provincia Matrícula Modelo Data de
Ourense PMM-9632-F Seat Málaga 17-10-1988 PMM-9833-F Suzuki Vitara 27-1-1993 PMM-9529-F Peugeot 205 GL 10-12-1986 Lugo PMM-9799-F Opel Corsa Swing 18-11-1992 PMM-9587-F Peugeot 205 GL 13-7-1988 Pontevedra PMM-9846-F Citroën AX 22-3-1993 PMM-5464-F Citroën Visa 10-12-1987 PMM-9748-F Citroën AX 18-6-1990 PMM-9579-F Peugeot 205 GL 13-7-1988 A Coruña PMM-9835-F Suzuki Vitara 27-1-1993 PMM-1428-F Ford Escort 28-7-1986 PMM-9832-F Suzuki Vitara 1-6-1993
Total12
RELACIÓN NÚMERO 3
Galicia
Custo da ampliación de medios do FEGA
Pesetas
bens e servicios.I. Capítulo I: Gastos de persoal. Organismo 201 Programa 715A. Artigo 12 99.272.286 Artigo 13 3.528.908 Artigo 16 11.391.549
Servicio 03. Programa 712A. Artigo 12 11.752.518 Artigo 16 2.266.374
Servicio 01. Programa 711A. Artigo 12 13.742.480 Artigo 16 535.701
Servicio 02. Programa 711A. Artigo 12 1.631.202
Total capítulo I 144.121.018
II. Capítulo II: Gastos correntes en
Servicio 03. Programa 711A. Artigo 20 4.045.893 Artigo 22 7.669.718
Total capítulo II 11.715.611
Total traspaso 155.836.629
6499