Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que a continuación se detalla:

Solicitante: Barras Eléctricas Galaico-Asturianas, S.A.

Enderezo social: Cidade de Viveiro, 4-1º, Lugo.

Denominación: reelectrificación da parroquia de Santa María do Burgo.

Situación: Muras.

Características técnicas: liña de media tensión a 20 kV, con conductor LA-56 sobre torres metálicas, segundo RU6704A, cunhas lonxitudes de 179, 687, 1.369, 10, 1.452, 14, 413, 40 e 1.112 metros. Os centros de transformación serán dunha potencia de 25, 50 e 100 kVA sobre torre métalica ó final da L.M.T., con relación 20 kV/380-220 V. Rede de baixa tensión con conductor R.Z.-25-50-95 e 150, tensado sobre postes de formigón ou grampado en fachada.

Orzamento: 87.665.120 pesetas.

Cumpridos os tramites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu:

Autorizar, declarar de utilidade pública e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

Lugo, 9 de xullo de 1996.

Jesús Bendaña Suárez

Delegado provincial de Lugo

9606119