A alcaldía delegada para a área de Urbanismo, con data 12 de xullo de 1996, dictou resolución do seguinte teor:
1.-Aprobar inicialmente o proxecto de expropiación forzosa redactado polos servicios municipais para a execución das obras que se realizarán na estrada de Eirís como consecuencia do proxecto de mellora do firme e captación de pluviais, así como mellora dos accesos ó centro oncolóxico á fábrica de armas.
2.-Optar, para a execución do citado proxecto, polo procedemento de taxación conxunta.
3.-Somete-lo citado proxecto ó trámite de información pública polo termo dun mes, mediante a inserción dos correspondentes anuncios en prensa e diarios oficiais, así como remitir notificacións persoais ós que neste momento aparecen como interesados, nos termos que prevé o artigo 219.4º do texto refundido da Lei do solo, para que durante o citado prazo os interesados poidan consulta-lo proxecto de expropiación nas dependencias do Servicio de Urbanismo do Concello da Coruña, de luns a venres, de 13.30 a 14 horas, e presentar cantas alegacións consideren oportunas para defende-los seus dereitos.
A Coruña, 26 de xullo de 1996.
O alcalde
Rubricado
AVISO PARA OS ANUNCIANTES
PREZOS PARA A PUBLICACIÓN DE ANUNCIOS
NO DOG A PARTIR DO 1 DE XANEIRO DE 1996
(Decreto 289/1995, do 3 de novembro,
DOG do 9 do mesmo mes)
-Tramitación ordinaria: 445 pesetas/liña de 54 espacios.
-Tramitación urxente: 890 pesetas/liña de 54 espacios.
Números de teléfono do Diario Oficial de Galicia
Teléfonos: 544268 - 544270
Fax: 544272 - 544273