Adoptado acordo por parte da comisión permanente de selección dos solicitantes a incluír nas listas correspondentes á categoría 31 do grupo II, coa súa identificación e orde de prelación respectiva, esta consellería,
RESOLVE:
Devolverlles ós aspirantes que non figuren na lista de incluídos, o importe das taxas que aboaron.
Para facer efectivo o disposto no parágrafo anterior, os interesados dirixirán escrito á Dirección Xeral da Función Pública onde fagan constar con claridade os seguintes datos:
-Nome e apelidos.
-DNI.
-Grupo e categoría á que optaban.
-Datos bancarios, con especificación do código do banco, código da sucursal e número da conta á que desexan que se lles efectúe a transferencia polo importe aboado.
Santiago de Compostela, 10 de xullo de 1996.
Dositeo Rodríguez Rodríguez
Conselleiro da Presidencia e Administración Pública
6066