Por medio desta cédula notifícaselles ás persoas cos datos persoais e últimos enderezos coñecidos que se sinalan no anexo, o seguinte:
Primeiro-O funcionario instructor dos expedientes de extinción da concesión do aproveitamento do río Umia, outorgada ós Ernesto Presser y Damphín e Nicolás Palacios, e de solicitude de inscrición no Rexistro de Augas da transferencia do dito dereito concesional achegada por Unión Eléctrica-Fenosa, S.A., acordou, con data do 25-6-1996, proceder por propia iniciativa á acumulación de ámbolos dous procedementos co fin de que sexan resoltos nun único acto administrativo; coa indicación de que contra este acordo non cabe interpoñer recurso ningún.
Segundo.-Unha vez feitos os correspondentes trámites, procédese a dar trámite de audiencia e vista dos expedientes, de conformidade coas previsións do artigo 84 da Lei 30/1992, do 26 de novembro, e en cumprimento dos artigos 51.2º da Lei 29/1985 e 89.2º, 163.5º e 165.4º do Real decreto 849/1986, do 11 de abril.
O que se notifica para que no prazo de quince días hábiles contados desde o seguinte á publicación desta cédula se manifeste o que se considere oportuno, de modo que, transcorrido o prazo, continuarán os procedementos nos seus demais trámites.
O expediente queda á disposición nas dependencias deste ente administrativo, situadas nos servicios centrais da Consellería de Política Territorial, Obras Públicas e Vivenda edificios administrativos San Caetano, s/n. 15071, Santiago de Compostela durante as horas de oficina.
Para que conste e lles sirva de notificación ós citados interesados, de conformidade co disposto no parágrafo 4 do artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo esta cédula en Santiago de Compostela, 29 de xullo de 1996.
Agustín Hernández Fernández de Rojas
Instructor
ANEXO
-Nome e apelidos dos interesados: Ernesto Presser y Damphín e Nicolás Palacios.
-Último enderezo coñecido: r/ del Barquillo nº 26 (Madrid) e r/ de la Independencia nº 28 (Zaragoza), respectivamente.
9605927