De conformidade co disposto polo artigo 59.4º da Lei de 26 de novembro de 1992 (BOE de 27 de novembro), de réxime xurídico das administracións públicas e do procedemento administrativo común, notifícaselle ás persoas que no anexo se mencionan, que con esta data resolvín publica-lo acordo de iniciación do procedemeento sancionador por infracción da Lei 7/1992, de 24 de xullo, de pesca fluvial de Galicia (DOG nº 151, do 5 de agosto de 1992), por non ser posible a notificación a través do servicio de correos.

Noméase instructor deste procedemento a José Ángel Madarro Río, funcionario da delegación pro

vincial, podendo ser recusado en calquera momento do expediente de concorre-los supostos legais.

Os interesados disporán dun prazo de quince días, contados a partir do seguinte ó da publicación desta notificación, para aportar, por escrito, cantas alegacións, documentos, informacións ou propostas de probas consideren convintes en defensa dos seus dereitos.

Conforme ó establecido no artigo 13.2º do Regulamento de procedemento para o exercicio da potestade sancionadora, de 4 de agosto de 1993, de non efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción.

O pago voluntario porá fin ó expediente. Para efectualo deberá empregar os impresos normalizados que lle serán facilitados na Delegación Provincial de Lugo, Ronda de la Muralla, 197.

O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobada polo Real decreto 1398/1993, de 4 de agosto (BOE nº 189, do 9 de agosto de 1993).

ANEXO

-Expediente nº. P-127/96.

Denunciado: Leopoldo González Álvarez.

Último domicilio coñecido: Anllares del Sil - León-24488.

Feitos imputados: capturar 11 troitas de tamaño inferior ó regulamentario. Feitos ocorridos o día 23-4-1996, no Rego da Vara.

Precepto sancionador: 33.9º.

Cualificación infracción: leve.

Sanción: 20.000 pesetas de multa e 27.000 pesetas de indemnización.

-Expediente nº. P-133/96.

Denunciado: David Losada Conde.

Último domicilio coñecido: Avenida de Portugal, 210 - Ourense.

Feitos imputados: practica-la pesca cebando as augas. Feitos constatados o día 26-4-1996, no río Miño, encoro de Belesar (Sabadelle).

Precepto sancionador: 34.14º.

Cualificación infracción: menos grave.

Sanción: 50.001 pesetas de multa e un ano de inhabilitación para obte-la licencia de pesca.

Lugo, 1 de xullo de 1996

José Ramón Molinero Senovilla

Delegado provincial de Lugo

5869