O director-xerente do Complexo Hospitalario Juan Canalejo-Marítimo de Oza, en virtude das atribucións que lle foron delegadas por orde comunicada do presidente do Sergas do 24 de maio de 1996, sobre delegación da tramitación e resolución da presente contratación, e unha vez cumpridos os trámites administrativos correspondentes, resolve anuncia-la licitación que a seguir se cita:

Obxecto: instalación e prestación do servicio de televisión e telefonía nas habitacións dos pacientes dos distintos centros do Complexo Hospitalario Juan Canalejo-Marítimo Oza (contrato administrativo

especial do artigo 5.2 b) da LCAP), que se desglosa nos dous lotes seguintes:

-Lote 1: Hospital Juan Canalejo e hotel de pacientes (situado no edificio da Escola Universitaria de Enfermería).

-Lote 2: Hospital Teresa Herrera e novo Hospital Marítimo de Oza, ampliable ó hospital militar.

Orzamento: de acordo cos pregos, a contratación non supón gasto para a Administración, correspondendo tódolos custos ó adxudicatario.

Garantía provisional: 100.000 pesetas.

Forma de adxudicación: concurso, polo procedemento aberto.

Prazo de vixencia: 5 anos, contados a partir da data de formalización do contrato.

Admisión de variantes: autorízase a presentación de variantes.

Solvencia económica e financeira: acreditarase polos medios que se describen no prego de cláusulas administrativas particulares.

Solvencia técnica ou profesional: acreditarase polos medios que se describen no prego de cláusulas administrativas particulares.

Criterios de adxudicación: ve-lo número 10.1 do prego de cláusulas administrativas particulares.

Documentos de interese para os licitadores: o prego de cláusulas administrativas particulares e demais documentación complementaria poden ser solicitados na Dirección de Xestión-Sección de Investimentos (edificio da Escola de Enfermería, soto, anexo ó Hospital Juan Canalejo), As Xubias de Arriba, 84, 15006, A Coruña, en días laborables desde as 9 ata as 14 horas. Teléfono: (981) 17 80 73. Fax: (981) 17 80 71.

Presentación de proposicións: as proposicións deberanse presentar en man, en sobres pechados e asinadas polo licitador ou persoa que o represente, no rexistro xeral do Complexo Hospitalario Juan Canalejo, antes das 14 horas do vixésimo sexto día natural contado a partir do seguinte ó da publicación desta resolución no Diario Oficial de Galicia, ou enviadas por correo, dentro do prazo sinalado. Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax: (981) 17 80 71 ou telegrama no mesmo día.

Apertura das proposicións: terá lugar na sala de xuntas de Xerencia do Complexo Hospitalario Juan Canalejo, a partir das 10 horas do décimo primeiro día natural contado desde o seguinte a aquel no que termine o prazo da presentación de ofertas. No caso de que o dito día coincida en sábado ou festivo, a apertura de proposicións terá lugar o día hábil seguinte.

Documentación que deberán achega-los licitadores: os documentos que figuran no prego de cláusulas administrativas particulares.

Anuncios: os anuncios do presente concurso serán por conta do adxudicatario do contrato.

A Coruña, 25 de xuño de 1996.

Josep Santacreu Bonjoch

Director xerente do Complexo Hospitalario Juan Canalejo-Marítimo de Oza

6059