Por Orde do 16 de abril de 1996 convocáronse axudas económicas para proxectos ou accións de investigación-acción, actividades de interese comunitario no campo da vixilancia epidemiolóxica, información, prevención, detección, tratamento e atención do VIH/SIDA.
Estas axudas ían dirixidas a aquelas persoas ou institucións que desenvolven as ditas actividades na Comunidade Autónoma de Galicia, coa especial consideración das solicitudes presentadas por institucións públicas ou benéfico-privadas sen ánimo de lucro.
Segundo o artigo 9 da dita orde, a resolución da convocatoria debe publicarse no DOG facendo consta-la contía da axuda concedida.
Por iso, facendo uso das facultades que me confiren os artigos 34 e 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro,
DISPOÑO:
Conceder axuda económica para o financiamento dos proxectos ou accións que, en relación co esforzo global anti-VIH/SIDA, se recollen no anexo desta orde, na contía que nel se determinan.
Santiago de Compostela, 24 de xullo de 1996.
José Mª Hernández Cochón
Conselleiro de Sanidade e Servicios Sociais
5922