A Secretaría Xeral da Consellería de Agricultura, Gandería e Montes resolveu convoca-la seguinte licitación polo sistema de concurso público aberto:
Obxecto: contratación da subministración e instalación de bodega e material diverso para a Subestación Enolóxica das Rías Baixas-Ribadumia, dependente da Estación de Viticultura e Enoloxía de Galicia-Leiro (IAS-311), de acordo cos proxectos e pregos aprobados para iso.
Orzamento de licitación: dezaseis millóns setecentas setenta e tres mil pesetas (16.773.000 ptas.).
Fianza provisional: trescentas trinta e cinco mil catrocentas sesenta pesetas (335.460 ptas.).
Fianza definitiva: seiscentas setenta mil novecentas vinte pesetas (670.920 ptas.).
Exposición dos pregos: o prego de claúsulas administrativas particulares así como o de prescricións técnicas estarán á disposición dos licitadores para o seu exame durante o prazo de presentación de ofertas, os días e horas hábiles de oficina, na Dirección Xeral de Estructuras e Desenvolvemento Rural da Consellería de Agricultura, Gandería e Montes (edificio administrativo, s/n, San Caetano, Santiago de Compostela).
Modelo de proposición: a proposición económica formularase estrictamente conforme o modelo que figura no prego de claúsulas administrativas particulares.
Presentación e apertura de proposicións: as ofertas deberán presentarse no rexistro xeral da Consellería de Agricultura, Gandería e Montes ou en calquera das vías admitidas polo artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, antes das 14 horas do día 6 de setembro de 1996.
A apertura de proposicións terá lugar en acto público nos locais da Secretaría Xeral da Consellería de Agricultura, Gandería e Montes (San Caetano, Santiago de Compostela), ás 13 horas do día 13 de setembro de 1996.
Gastos de publicación: serán por conta dos adxudicatarios.
Santiago de Compostela, 30 de xullo de 1996.
P.D. (Orde 13-12-1993, DOG nº 239, 14-12)
Antonio L. Rosón Pérez
Secretario xeral da Consellería de Agricultura, Gandería e Montes
9605889