Na páxina 6.390 do DOG correspondente ó día 16 de xullo de 1996 publicouse a resolución do 2 de xullo de 1996, pola que se anuncia licitación para a contratación dun aparcamento subterráneo na parte posterior da audiencia provincial e subseguinte explotación das obras (contrato de concesión de obra), na que se omite a alínea sexta relativa á data límite de recepción de ofertas, o prazo para a presentación de proposicións, aínda que o contido do anuncio publicado se deduza que son 60 días naturais desde o día seguinte ó da súa publicación. Xa que logo a alcaldía amplía o anuncio de referencia informando e clarexando ós interesados na licitación pública convocada, que o prazo para a presentación de ofertas é de 60 días naturais contados a partir do día 17 de xullo de 1996, sendo a data límite para a recepción das ofertas o día 16 de setembro, por canto o día 14 (data do vencemento), coincide en sábado, de conformidade coa cláusula décimo cuarta do prego.
Pontevedra, 22 de xullo de 1996.
Juan Luis Pedrosa Fernández
Alcalde
Julio Dapena Outomuro
Secretario xeral
4887