Con sustentación na proposta contida na acta da sesión celebrada o día 10 de xullo de 1996 pola comisión seleccionadora para a adxudicación de bolsas de colaboración en diversos proxectos de investigación que se desenvolverán no Centro de Investigacións Lingüísticas e Literarias Ramón Piñeiro, segundo convocatoria anunciada pola Consellería de Educación e Ordenación Universitaria no DOG nº 108, do 3 de xuño de 1996, e de conformidade co establecido na base terceira da referida orde de convocatoria, esta dirección xeral,
RESOLVE:
Primeiro.-Conceder cinco bolsas de colaboración para os distintos proxectos de investigación que se desenvolverán no Centro de Investigacións Lingüísticas e Literarias Ramón Piñeiro, segundo se detallan no anexo I á presente resolución.
Segundo.-De acordo co establecido na base segunda da convocatoria, a asignación mensual das bolsas ás que se refire o apartado anterior será de 122.000 peseta, coa retención fiscal que corresponda, durante o período comprendido entre o 19 de xullo de 1996 e o 31 de decembro de 1996.
Terceira.-Contra a presente resolución poderán os interesados interpoñer recurso ordinario ante o conselleiro de Educación e Ordenación Universitaria no prazo dun mes contado a partir do día seguinte ó da publicación da presente resolución no DOG, de acordo co disposto nos artigos 114 e seguintes da Lei 30/1992, de réxime xurídico das administracións públicas e do procedemento administrativo común.
Disposición derradeira
A presente resolución entrará en vigor o día seguinte ó da súa publicación no Diario Oficial de Galicia.
Santiago de Compostela, 12 de xullo de 1996.
Manuel Regueiro Tenreiro
Director xeral de Política Lingüística
ANEXO I
Apelidos e nome dos bolseiros NIF
Proxecto I: lírica medieval galego-portuguesa -Fernández Guiadanes, Antonio 36118434Q -Vázquez Pacho, Mª Carmen 44075189J
Apelidos e nome dos bolseiros NIF
Proxecto II: diccionarios de literatura -López Pérez, Mª Xosé 33278794
Proxecto III: diccionario de fraseoloxía galega -Viqueira Liñares, Mª Clara 33291264Y
Proxecto IV: estudios etimolóxicos galegos -Carrillo Boutureira, Francisco José 36083097F
5732