A Xerencia de Atención Primaria de Pontevedra-Vigo (Área Norte), en virtude das atribucións que lle foron delegadas conforme o establecido na Orde do 22 de maio de 1996, da Consellería de Sanidade e Servicios Sociais, convoca o seguinte concurso público:

1. Obxecto: contratación do servicio de vixilancia dos locais onde está ubicado o centro de saúde, o ambulatorio e o servicio de urxencias de Vilagarcía de Arousa.

2. Orzamento: 10.000.000 de ptas. anuais (IVE incluído).

3. Prazo de execución: desde a sinatura do contrato ata o 31-12-1996.

4. Fianzas:

a) Provisional: non se esixe.

b) Definitiva: será do 4% do orzamento de licitación.

5. Forma de adxudicación: concurso público, procedemento aberto e tramitación urxente.

6. Clasificación económica: grupo III, subgrupo 2, categoría A.

7. Solvencia económica e financeira: deberá acreditarse mediante algún dos medios sinalados no artigo 16 da Lei 13/1995, de contratos das administracións públicas.

8. Solvencia técnica: deberá acreditarse mediante as titulacións académicas e profesionais dos empresarios e do persoal de dirección da empresa e, en particular, do persoal responsable da execución do contrato, que en todo caso deberán contar coa titulación e diplomas establecidos na orde do Ministerio de Xustiza e Interior do 7-7-1995.

9. Criterios de adxudicación: os establecidos na cláusula décima do prego de cláusulas administrativas particulares que rexen o presente concurso.

10. Recollida de documentación: o prego de cláusulas administrativas particulares pode ser solicitado na Xerencia de Atención Primaria, rúa México, 26-1ª planta Vigo, teléfono (986) 81 64 66, en días hábiles desde as 9 ata as 14 horas.

11. Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral desta Xerencia de Atención Primaria (rúa México, 26-4ª, 36204 Vigo), antes das 14 horas do décimo terceiro día natural contado a partir do seguinte ó da publicación desta resolución no DOG, ou por correo no xeito indicado no artigo 100 do Regulamento xeral de contratación.

12. Apertura de proposicións: a apertura de proposicións será realizada pola mesa de contratación, reunida en acto público na sala de xuntas da Xerencia de Atención Primaria, rúa de México 26-6ª planta, de Vigo, ás 9 horas do décimo primeiro día natural contado desde o seguinte a aquel no que finalice o prazo de presentación das ofertas. No caso de que o dito día coincida en sábado ou festivo a apertura de proposicións terá lugar o primeiro día hábil seguinte.

13. Documentación que deberán achega-los licitadores: a sinalada no punto oito do prego de cláusulas administrativas particulares.

14. Anuncios: o pagamento dos anuncios do presente concurso público será por conta do adxudicatario do contrato.

Vigo, 10 de xullo de 1996.

Alberto García Pazos

Director xerente de Atención Primaria de Pontevedra-Vigo