Convocado concurso-oposición para o ingreso na categoría de auxiliar da función administrativa de persoal estatutario do Servicio Galego de Saúde por resolución da Dirección Xeral de Recursos Humanos do Servicio Galego de Saúde do 18 de maio de 1995 (DOG nº 99, do 25 de maio), de conformidade co segundo parágrafo do apartado 1 da base quinta, correspóndelles ós tribunais as funcións relativas á determinación concreta do contido das probas e á cualificación dos aspirantes, tanto na fase de oposición como na de concurso, así como, en xeral, a adopción de cantas medidas sexan precisas no relativo ó desenvolvemento concreto das probas selectivas.

Recibidas polo tribunal peticións dalgúns aspirantes para a verificación da puntuación que se lles outorgou, ou mesmo para revisión do seu exercicio, feitas as oportunas comprobacións na corrección deste, procede agora darlles publicidade no DOG, ademais de nos lugares previstos na convocatoria para a publicación das puntuacións dos distintos exercicios da fase de oposición, de conformidade co disposto no artigo 59.5º b) da Lei 30/1992, do 26 de novembro, de réxime xurídico das administracións públicas e do procedemento administrativo común, polo que, tralo respectivo acordo, este tribunal,

ANUNCIA:

Primeiro.-Desestimar tódalas reclamacións para revisión do exame, e polo tanto ratifica-la puntuación outorgada a cada aspirante, segundo o anuncio do tribunal publicado no DOG nº 127, do 28 de xuño de 1996, no segundo exercicio da fase de oposición.

Segundo.-Corrixir materialmente o listado de puntuacións referido no apartado anterior, no sentido de incluír nel a aspirante María del Pilar Gómez Ananín, DNI 34.973.873.

Terceiro.-A presente resolución poderá ser impugnada polos interesados nos termos previstos na base décima da citada convocatoria.

Santiago de Compostela, 26 de xullo de 1996.

Antonio Fernández-Campa García-Bernardo

Presidente do Tribunal

5415