Visto o expediente do convenio colectivo para a empresa Frigorificos de Vigo, S.A., que tivo entrada nesta delegación provincial o día 22-5-1996, subscrito en representación da parte económica por unha representación da empresa, e da parte social, polo comité de empresa, en data 20-5-1996. De conformidade co disposto no artigo 90.2º y 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).
Terceiro.-Dispoñe-la súa publicación no Diario Oficial de Galicia.
Vigo, 24 de maio de 1996.
Antonio Coello Bufill
Delegado provincial de Vigo (Pontevedra)
Convenio colectivo 1996 de Frigórificos de Vigo, S.A.
Título I
Disposicións xerais
Capítulo I
Obxecto e ámbito de aplicación
Artigo 1º.-Obxecto.
O presente convenio regula as condicións de traballo entre a Empresa Frigoríficos de Vigo, S.A. e os traballadores vinculados a ela mediante relación laboral establecida en virtude das distintas modalidades contractuais contempladas pola lexislación vixente en cada momento e de acordo co disposto nos artigos seguintes.
Artigo 2º.-Partes concertantes.
As partes concertantes do presente convenio son o Comité de Empresa e a Dirección da Empresa.
Artigo 3º.-Ábito territorial.
As normas contidas no presente convenio afectarán exclusivamente ós centros de traballo da empresa a r/ Jacinto Benavente 3, e no Porto Pesqueiro, embarcadoiro 4, en ambos casos en Vigo.
Artigo 4º.-Ámbito persoal.
Queda afectado polo presente convenio todo o persoal que se atope prestando servicios na empresa.
Artigo 5º.-Ámbito temporal.
a) Vixencia.
O convenio entrará en vigor o día seguinte ó da súa publicación no BOP e comezará a producir efectos económicos a partir da data da súa sinatura o día 20 de maio de 1996, segundo resulta da acta de acordo final, se ben os seus efectos económicos se retrotraen ó 1 de maio de 1996.
b) Duración, denuncia e prórroga.
Duración. A duración do convenio será dun ano contado desde o día 1 de xaneiro de 1996 calquera que sexa o momento da súa publicación no BOP.
Denuncia. A denuncia do convenio queda regulada nos termos e cos efectos que seguen:
A parte que a formule deberá notificala á outra mediante procedemento fidedigno con dous meses de antelación respecto da data de finalización prevista.
Efectuada a denuncia, a totalidade da regulación contida no convenio colectivo manterase en vigor desde a data de finalización da súa vixencia ata a súa substitución por un novo convenio colectivo, co carácter de condicións desfrutadas colectivamente polos traballadores afectados, situación esta que será igualmente aplicable á denuncia de vixencia efectuada en calquera das prórrogas do convenio.
Prórroga. No caso de que o convenio non resultase denunciado por ningunha das partes no tempo e na forma recollidos no apartado anterior, considerarase prorrogado tacitamente por períodos dun ano natural.
Capítulo II
Normas de aplicación
Artigo 6º.-Lexislación supletoria.
En todo o non previsto no presente convenio será de aplicación o establecido na lexislación vixente.
Artigo 7º.-Compensación e absorción de melloras.
As melloras económicas contidas no presente convenio serán consideradas como un todo orgánico e indivisible, e nesta forma global, poderán compensarse coas que anteriormente puidesen existir ou que poidan establecerse sobre os mínimos regulamentarios, calquera que fose a súa orixe, a denominación ou forma na que estivesen contidas.
Artigo 8º.-Garantías persoais.
A empresa respectará as condicións máis beneficiosas de carácter voluntario ou por convenio que viñese desfrutando o persoal.
Artigo 9º.-Vixilancia/interpretación.
Para velar pola aplicación e cumprimento do estipulado neste convenio, créase unha comisión mixta formada por dous membros designados pola Dirección de Empresa e outros dous membros designados pola representación dos traballadores.
Esta comisión actuará sen invadir en ningún momento as atribucións que corresponden unicamente á Dirección da Empresa, manténdose sempre dentro do ámbito das normas legais que regulan os convenios colectivos.
Capítulo III
Principios informadores da relación laboral
Artigo 10º.-Aseguramento de calidade.
Os traballadores e a dirección, convencidos de que a calidade é a fonte determinante do desenvolvemento e progreso da empresa e garantía para a súa perennidade, comprométense á posta en común das súas competencias ó servicio dunha mellor comprensión e satisfacción das necesidades dos clientes.
Artigo 11º.-Rigor profesional.
O persoal colaborará activamente coa dirección para lograr un alto nivel de eficacia e productividade actuando profesionalmente con rigor e determinación no desenvolvemento do seu traballo, comprometéndose a salvagarda-los intereses da empresa e adopta-las medidas establecidas por esta, para a protección dos bens que lle sexan confiados, informando os seus superiores de cantas deficiencias puidesen encontrar nos productos, materiais, equipos ou útiles co fin de que estas poidan ser previstas ou emendadas de maneira inmediata pola dirección.
Artigo 12º.-Relacións de cooperación e respecto mutuo.
O persoal da empresa está especialmente obrigado a manter entre si, así como cos clientes e provedores, relacións profesionais de cooperación, e son a cortesía, máximo respecto, consideración e traballo en equipo, as condicións esixibles.
Título II
Organización do traballo
Capítulo I
Facultades de dirección e organización
Artigo 13º.-Norma xeral.
A organización práctica do traballo é facultade exclusiva da dirección e, polo tanto, élle potestativo adoptar cantos sistemas de racionalización, automatización e modernización xulgue precisos, así como a restructuración das seccións, variacións de postos de traballo, mobilidade persoal, modificacións de quendas, e, en xeral, canto poida dirixir ó progreso técnico da empresa, sempre que non se opoña ó establecido nas disposicións vixentes na materia.
Expresamente recoñéceselle á Dirección a facultade de sinala-las tarefas complementarias, así como as máquinas e instalacións que deba atender cada traballador dentro das súas seccións, co fin de conseguir unha plena ocupación deste, sempre que iso non supoña vexación ou menoscabo da súa misión laboral.
A Dirección da Empresa comunicaralle ó Comité de Empresa coa antelación suficiente, todas aquelas cuestións de importancia relacionadas coa organización do traballo.
Sen merma da autoridade que lle corresponde á Dirección da Empresa ou ós seus representantes legais, o Comité de Empresa asesorará, orientará e proporá melloras en canto á organización e racionalización do traballo.
Título III
Réxime de persoal
Capítulo I
Incorporación do persoal e progresión profesional
Artigo 14º.-Contratación.
A empresa, de acordo coas necesidades, poderá empregar cantas modalidades de contrato de traballo que axustándose á natureza do emprego de que se trate, sexan recollidas pola lexislación vixente en cada momento.
A contratación de traballadores realizarase sempre por escrito, entregando a empresa ós representantes legais dos traballadores a copia básica dos contratos que se subscriban.
Toda contratación se realizará dentro do marco de clasificación profesional establecido no anexo II do presente convenio.
Terán dereito preferente a ocupa-las vacantes que vaian producirse os fillos dos traballadores, sempre que reúnan as condicións requiridas para o posto, e é preceptivo o informe do Comité de Empresa.
Cando a empresa precise persoal eventual igualmente terán dereito preferente os fillos dos traballadores que reúnan os requisitos esixidos para o posto.
Artigo 15º.-Provisión de vacantes e ascensos.
Todo o persoal da empresa terá, en igualdade de condicións, preferencia para cubri-las vacantes de
prazas de superiores categorías que naquela poidan producirse.
Os ascensos e provisión de vacantes rexerán para tódalas categorías e en igualdade de condicións, cos seguintes criterios:
Polas regras xerais da existencia de vacantes, probas de aptitude e concurso das categorías inferiores, conxuntamente considerados os ditos conceptos e aténdose á titulación e capacitación que se requira para cubri-las ditas vacantes.
En caso de igualdade de condicións primará a antigüidade.
Os delegados de persoal ou Comité de Empresa elaborarán, conxuntamente coa empresa, as normas para o concurso de provisión de vacantes ou ascensos, entendendo así mesmo, sobre as reclamacións a que houbese lugar. De non mediar acordo sobre elas, resolverá a autoridade laboral.
A empresa conxuntamente co comité elaborará un programa para a formación profesional previamente á provisión de vacantes ou ascensos.
Capítulo II
Permisos e licencias
Artigo 16º.-Permisos.
A empresa poderá conceder permisos sen dereito a retribución, sempre que as esixencias do servicio así o permitan, ata un máximo de sete días e de común acordo entre a empresa e o comité.
Artigo 17º.-Licencias.
A empresa concederá licencias retribuídas a tódolos traballadores nos termos que seguen:
Matrimonio do productor: 15 días.
Enfermidade grave do cónxuxe e parto da esposa: 5 días.
Enfermidade grave de ascendentes e descendentes: 3 días.
Morte do cónxuxe: 5 días.
Morte de ascendentes e descendentes: 3 días.
Falecemento de parentes ata 2º grao de consanguinidade ou afinidade: 2 días.
Falecemento de parentes políticos: 1 día.
Por traslado do domicilio habitual: 2 días.
Por cumprimento dun deber inexcusable de carácter público, o tempo que fose necesario o tempo necesario
En todo caso, no que respecta a dereitos ou situacións nas que a condición do cónxuxe sexa a causa, entenderase que, no seu defecto, a condición de convivencia continuada dará lugar ós mismos dereitos e situacións.
A empresa poderá solicitar do traballador a presentación de informe médico que xustifique a gravidade da enfermidade orixe da licencia.
Cando o traballador que solicite licencia pro razón de matrimonio conte con máis de catro meses ó servicio na empresa non lle será rrateable o tempo para o seu desfrute.
Capítulo III
Suspensión e resolución da relación laboral
Artigo 18º.-Excedencias.
Acordan as partes someterse nesta materia ó que resulte da regulación vixente contida no Estatuto dos traballadores.
Artigo 19. Aviso previo de resolución do contrato polo traballador.
Os traballadores que desexen cesar na empresa resolvendo voluntariamente o seu contrato de traballo, con excepción daqueles que se encontrasen no período de proba, estarán obrigados a avisar previamente a dita circunstancia cos seguintes prazos de antelación:
CategoríaPrazo de aviso previo
Persoal non cualificado7 días naturais
Persoal cualificado15 días laborables
Administrativos e técnicos2 meses
O incumprimento de aviso previo coa referida antelación dará dereito á empresa a descontar da liquidación do traballador, unha contía equivalente ó importe do seu salario diario por cada día de atraso no aviso, cun máximo de 15 días naturais.
Título IV
Réxime de traballo
Capítulo I
Xornada de traballo, horario e descansos
Artigo 20º.-Xornada.
A xornada de traballo terá unha duración durante o presente ano de 1.808 horas en cómputo anual de traballo efectivo. A súa distribución será semanal, segundo horario autorizado pola delegación de traballo.
Artigo 21º.-Horario de traballo.
O persoal de máquinas e despacho de xelo suxeitarase ás quendas establecidas para cada actividade. O resto do persoal traballará en xornada partida de luns a venres.
Prolongación de xornada:
Os traballadores comprométense a facer ou prolonga-la xornada de traballo polo tempo mínimo ou indispensable co obxecto de realizar ou termina-lo traballo en curso por necesidades perentorias da empresa. Este tempo de realización ou prolongación de xornada será aboado como horas extraordinarias.
En momentos en que pola carga de traballo resulte precisa uunha importante actividade do cadro de persoal, poderá solicitarse dos traballadores a realización dunha xornada prolongada ordinaria fóra do horario habitual ou en sábados, domingos ou festivos, sen outras restriccións cás establecidas na lexislación actualmente vixente respecto do descanso diario e semanal. Esta xornada prolongada será igualmente aboada como horas extraordinarias.
A empresa comprométese ó coñecemento destas cargas, a comunicalas ó persoal cando iso sexa posible, con 48 horas de antelación.
Artigo 22º.-Horas extraordinarias.
Estructurais:
Consideraranse horas estructurais de carácter estructural as ocasionadas pola descarga, estiba e carga de camións, pola natureza perecedeira das mercadorías que se manipulan, a subministración de xelo ós barcos pesqueiros, así como as esixidas pola reparación de avarías e as necesarias para atender a períodos punta de producción.
Artigo 23º.-Control de traballo.
Control de traballo:
Tódolos operarios comprométense a efectua-las anotacións oportunas que se precisen para o eficaz control dos traballos efectuados, a través dos medios que en cada momento estean establecidos pola empresa.
Artigo 24º.-Vacacións. Duración e desfrute.
a) Duración.
Tódolos traballadores gozarán dunhas vacacións anuais de 30 días naturais.
Os traballadores que na data determinada para o desfrute das vacacións non tivesen completado un ano de permanencia na empresa, desfrutarán un número de días proporcionais ó tempo efectivo de prestación de servicios.
O período de vacacións retribuirase co importe do salario, antigüidade, gratificación voluntaria e penoso que de cada categoría profesional se especifica na táboa salarial anexa.
Artigo 25º.-Cargas e descargas.
Os menores de 18 anos só poderán efectuar labores de carga, descarga e carrexos de pesos non superiores a 20 Kg.
Título V
Réxime de retribucións
Capítulo I
Estructura retributiva
Artigo 26º.-Xeral.
O persoal afectado polo presente convenio percibirá desde a data da súa entrada en vigor e segundo a súa categoría profesional, o salario base e demais retribucións que se especifican na táboa salarial anexa.
Así mesmo, as partes acórdan unha suba salarial para o ano 1996 do 4%.
Artigo 27º.-Complemento de posto de traballo.
O persoal afectado por traballos de carácter penoso, perigoso, tóxico, etc., percibirá por cada día de traballo complementos salariais na contía dun 10% do salario base que lle corresponda, segundo a súa categoría profesional e de acordo co especificado na táboa salarial anexa.
Establécese unha prima para os traballadores mentres desenvolvan o seu traballo no interior das cámaras frigoríficas a temperaturas igual ou inferiores a -18º que consistirá nun 20% sobre o salario base.
Artigo 28º.-Antigüidade.
Tódolos traballadores afectados por este convenio desfrutarán de aumentos periódicos por anos de ser
vicio, como premio á súa vinculación á empresa, consistentes en cuadrienios ilimitados dun 6% calculados sobre o salario base que lles corresponde, segundo a súa categoría profesional, de acordo coa táboa salarial anexa.
Artigo 29º.-Gratificacións extraordinarias.
a) Xullo e Nadal.
A empresa aboará a todo o persoal, en concepto de gratificacións extraordinarias en xullo e decembro, o importe dunha mensualidade que se fixa na táboa salarial e tódolos seus complementos, máis antigüidade, que en cada caso corresponda. Estas gratificacións serán aboadas os días 15 de xullo e 15 de decembro, respectivamente.
b) Virxe das Neves.
O día 5 de agosto, festividade da Virxe das Neves, todo o persoal da empresa percibirá unha gratificación de 10 días que se fixa na táboa salarial e tódolos seus complementos, máis antigüidade, que en cada caso corresponda.
c) Beneficios.
A participación en beneficios na contía que aprobe a Xunta Xeral da Empresa farase efectiva entre os meses de agosto e setembro.
Ó persoal que ingresase no transcurso do ano ou que cesase durante este, seranlle aboadas as gratificacións extraordinarias precedentes, rrateando o seu importe por doceavas partes en relación ó tempo transcorrido desde a data do seu ingreso, para os primeiros ou desde a últimapaga devengada, para os segundos, para o cal a fracción de mes computarase como fracción completa.
Artigo 30º.-Complemento por xornada continuada.
O persoal suxeito actualmente a quendas de traballo en xornada continua de oito horas percibirá a cantidade de 420 ptas. por cada día de traballo efectivo.
Este importe incrementarase en convenios sucesivos coa mesma porcentaxe que supoña o aumento salarial.
Artigo 31º.-Aboamento do salario.
a) Liquidación.
A liquidación dos devengos efectuarase mensualmente computándose as incidencias do 26 de cada mes ó 25 do seguinte e efectuándose o aboamento o último día hábil do mes.
b) Descontos por faltas ó traballo.
Tódalas faltas ó traballo que non teñan o carácter legal de retribuídas descontaranse na liquidación da nómina inmediata a razón do valor hora profesional que corresponda ó afectado.
Título VI
Política social
Capítulo I
Beneficios de carácter asistencial
Artigo 32º.-Complemento por incapacidade temporal.
En caso de accidente laboral, a empresa complementará cun 25% as prestacións que lle corres
pondan ó traballador, calculadas sobre a base de accidentes, a partir do día da baixa.
En caso de hospitalización ou intervención cirúrxica e durante o período de convalecencia, ata un máximo de 30 días, a empresa pagará ou complementará as prestacións da Seguridade Social, para que os traballadores perciban o 100% do salario real.
Cando por razón de enfermidade o traballador precise a asistencia a consultorio médico en horas coincidentes coa súa xornada laboral, a empresa concederá o tempo necesario para a consulta médica (traerá xustificante de asistencia e hora de saída do médico).
A empresa facilitaralle ó traballador un xustificante para que poida ser selado polo consultorio médico.
Artigo 33º.-Xubilacións antecipadas.
A empresa e os traballadores poderán pactar xubilacións antecipadas ós 64 anos, de conformidade co disposto no Real decreto lei 14/1981, do 20 de agosto e Real decreto 2705/1981, do 19 de outubro, e a empresa deberá cubri-las ditas vacantes con traballadores que sexan titulares do dereito a calquera das prestacións económicas por desemprego, ou xove demandante do primeiro emprego, mediante un contrato da mesma natureza.
Todo traballador que por razón de idade se xubile ou cause baixa na empresa a consecuencia dunha invalidez permanente absoluta ou falecemento e leve nesta un mínimo de cinco anos, terá unha indemnización a tanto alzado na contía de 15.000 ptas. incrementadas estas noutras 12.000 ptas. por cada ano de servicio, ata un máximo de 100.000 ptas.
Artigo 34º.-Reserva de posto de traballo.
A empresa quedará obrigada a incorporar a un posto de traballo adecuado a todo traballador que quedase incapacitado parcial ou totalmente para o seu traballo habitual, sempre que tal posto exista no cadro de persoal, percibindo as retribucións propias do posto de traballo que puidese ocupar.
Capítulo III
Servicios e atencións sociais
Artigo 35º.-Fondo de atencións sociais.
A empresa destinará cincocentas mil pesetas para cada ano de vixencia do convenio ó fondo social, que serán distribuídas polo Comité de Empresa para bolsas de estudios e outros fins sociais.
Título VII
Saúde laboral e seguridade no traballo
Artigo 36º.-Principios xerais.
Para estes efectos, haberá que aterse ó disposto na Lei 31/1995, do 8 de novembro, sobre prevención de riscos laborais.
Artigo 37º.-Vestiario.
A empresa proverá ó persoal do seguinte vestiario de uso obrigatorio durante a xornada laboral:
* Para todo o persoal:
Dúas fundas ou pezas de roupa similares, botas e luvas con duración dun ano.
* Para o persoal que efectúa traballos en cámaras ou túneles de conxelación:
Un equipo completo de chaqueta e pantalón ou funda isotérmica, con duración de tres anos como máximo. Un xogo de botas de media cana ou zapatos especiais para o frío e luvas impermeables, con duración dun ano.
* Para o persoal de máquinas e de xelo:
Un chaquetón cada tres anos.
Título VIII
Dereitos de representación e reunión dos traballadores
Capítulo I
Dereitos de representación
Artigo 38º.-Crédito de horas sindicais.
Cada un dos membros do Comité de Empresa disporá dun crédito de 20 horas mensuais retribuídas para o exercicio das súas funcións de representación da empresa e dos seus traballadores.
Artigo 39. Acumulación de horas sindicais.
O Comité poderá acumular este crédito de horas que a cada membro corresponda, nun ou máis compoñentes deste, e deberase comunicar por escrito á empresa e autorizándoo expresamente cada un dos interesados.
Non se incluirá no cómputo de horas o tempo empregado en actuacións e reunións levadas a cabo por iniciativa da empresa.
Capítulo II
Dereito de reunión
Artigo 40. Asembleas de traballadores.
A empresa facilitará a celebración de asembleas no recinto desta, que se desenvolverán a partir da última hora da xornada, sempre que non coincida cunha saturación de traballo e ata un máximo de 12 horas/ano.
Título IX
Faltas e sancións
Capítulo I
Facultade sancionadora e graduación das faltas
Artigo 41º.-Facultade sancionadora.
Os traballadores poderán ser sancionados pola Dirección da Empresa, de acordo coa graduación das faltas e sancións que se establecen nos artigos seguintes.
Artigo 42º.-Graduación das faltas.
Toda falta cometida por un traballador clasificarase atendendo á súa importancia, transcendencia ou intención, en leve, grave ou moi grave.
Artigo 43º.-Faltas leves.
Consideraranse faltas leves as seguintes:
1. As faltas de puntualidade non xustificadas ata cinco nun mes, na asistencia ó traballo con atraso superior a cinco minutos e inferior a trinta no horario de entrada.
2. Non comunicar en tempo oportuno a baixa correspondente cando se falte ó traballo por motivo
xustificado, a non ser que se probe a imposibilidade de telo efectuado.
3. O abandono do servicio sen causa fundada, aínda que sexa por breve tempo. Se como consecuencia deste se orixinase prexuízo dalgunha consideración á empresa ou fose causa de accidente ós seus compañeiros de traballo, esta falta poderá ser considerada como grave ou moi grave segundo os casos.
4. Non atender ó público coa corrección e dilixencia debidas.
5. Non comunicar á empresa os cambios de residencia ou domicilio.
6. As discusións sobre asuntos estraños ó traballo dentro das dependencias da empresa. Se tales discusións producisen escándalo notorio, poderán ser consideradas como faltas graves ou moi graves.
7. Faltar ó traballo un día ó mes sen causa xustificada.
Artigo 44º.-Faltas graves.
Consideraranse faltas graves as seguintes:
1. Máis de oito faltas non xustificadas de puntualidade na asistencia ó traballo durante o período dun mes.
2. Ausencias sen causa xustificada por dous días durante o período dun mes.
3. Non comunicar coa puntualidade debida os cambios experimentados na familia que poidan afectar á Seguridade Social. A falta maliciosa destes datos considerarase como falta moi grave.
4. A simulación de enfermidade ou accidente.
5. A desobediencia ós seus superiores en calquera materia de traballo. Se implicase quebranto manifesto da disciplina ou dela se derivase prexuízo notorio para a empresa, poderá ser considerado como falta moi grave.
6. Simula-la presencia doutro traballador fichando, contestando ou asinando por el.
7. A imprudencia en acto de traballo. Se implicase risco de accidente para o traballador, para os seus compañeiros ou perigo de avaría para as instalacións, poderá ser considerada como moi grave.
8. Realizar, sen o oportuno permiso, traballos particulares durante a xornada, así como empregar ferramentas da empresa para usos propios.
9. A reincidencia en falta leve (excluída a de puntualidade), aínda que sexa de distinta natureza, dentro dun trimestre e tendo mediado comunicación escrita).
Artigo 45º.-Faltas moi graves.
Consideraranse faltas moi graves as seguintes:
1. Máis de quince faltas non xustificadas de puntualidade cometidas nun período de seis meses ou trinta durante un ano.
2. A fraude, deslealdade ou abuso de confianza nas xestións encomendadas e o furto ou roubo, tanto na empresa como ós compañeiros de traballo ou
a calquera outra persoa dentro das dependencias da empresa ou durante o traballo en calquera outro lugar.
3. Facer desaparecer, inutilizar, estragar ou causar desperfectos en materias, útiles, ferramentas, maquinaria, aparellos, instalacións, edificios, utensilios e documentos da empresa.
4. A condena por delicto ou roubo, furto ou malversación cometida fóra da empresa que poidan implicar, para esta desconfianza respecto do seu autor, e, en todo caso, a de duración superior a seis anos, dictada polos tribunais de xustiza.
5. A embriaguez habitual na empresa.
6. Viola-lo segredo da correspondencia ou documentos reservados da empresa ou revelar a elementos extranos a esta datos de reserva obrigada.
7. Os malos tratos de palabra ou obra, abuso de autoridade, falta grave de respecto e consideración ós xefes, así como ós compañeiros e subordinados.
8. Causar accidentes graves por neglixencia ou imprudencia.
9. Ababona-lo traballo en posto de responsabilidade sen causa xustificada.
10. A reincidencia en falta grave, da mesma natureza (excluída a puntualidade), sempre que se cometa dentro dos seis meses seguintes de terse producido a primeira.
11. O abuso de autoridade por parte dos xefes. O que o sufra poñerao inmediatamente en coñecemento do director da emrpesa e delegado de persoal ou Comité de Empresa.
Artigo 46º.-Sancións.
As sancións máximas que poderán imporse en cada caso, atendendo á gravidade da falta cometida, serán as seguintes:
a) Por faltas leves:
Amoestación verbal.
Amoestación por escrito.
b) Por faltas graves:
Suspensión de emprego e soldo dun a dez días.
c) Por faltas moi graves:
1. Por falta moi grave:
Suspensión de emprego e soldo de once a trinta días.
2. Reincidencia en falta moi grave:
Inhabilitación por un período on superior a dous anos para o ascenso. Despedimento.
Artigo 47º.-Prescrición de faltas.
As faltas leves prescribirán ós dez días, as graves ós vinte días e as moi graves ós sesenta días a partir da data da súa comisión, e, en todo caso, ós seis meses cometerse.
Artigo 48º.-Formalidades da imposición de sancións.
Correspóndelle á empresa a facultade de impor sancións nos termos do estipulado no presente convenio.
A sanción das faltas graves requirirá comunicación escrita motivada ó traballador e a das faltas moi graves esixirá tramitación de expediente ou procedemento sumario en que sexa oído o traballador afectado.
En calquera caso, a empresa dará conta ó comité de empresa ou delegados de persoal, ó mesmo tempo
que ó propio afectado, de toda sanción que se impoña.
Artigo 49º.-Prescrición.
A facultade da empresa para sancionar caducará para as faltas leves ós 3 días; para as faltas graves, ós 15 días e para as moi graves, ós 30 días a partir da data en que aquela tivo coñecemento da súa comisión.
ANEXO I
Táboa salarial anual para o ano 1996
voluntariaCódigo Categ. Categorías Salario base Gratificación
Plus distancia Total
1 Título superior 100.560 119.820 4.650 225.030 7 Título non superior 92.940 106.710 4.650 204.300 13 Ofic. 1ª administrativo 72.330 106.530 4.650 183.510 20 Ofic. 2º administrativo 64.560 91.020 4.650 160.230 31 Ofic. 3ª administrativo 56.130 63.600 4.650 124.380 41 Aux. administrativo N-1 55.200 59.040 4.650 118.890 43 Aux. adminsitrativo N-3 50.280 31.980 4.650 86.910 44 Aux. administrativo N-4 51.090 14.100 4.650 69.840 46 Aux. administrativo N-2 51.150 46.920 4.650 102.720 51 Maquinista 62.820 62.670 4.650 130.140 52 Ax. máquinas 59.010 60.870 4.650 124.530 53 Ax. Maqui. N-1 57.000 57.450 4.650 119.100 54 Ax. Maqui. N-2 51.150 46.920 4.650 102.720 55 Ax. Maqui. N-3 50.280 31.980 4.650 86.910 56 Ax. Maqui. N-4 51.090 14.100 4.650 69.840 57 Maquinista B 60.960 61.800 4.650 127.410 61 Encargados/capataces 64.710 63.570 4.650 132.930 62 Oficial 1ª 62.820 62.670 4.650 130.140 63 Oficial 2ª 60.960 61.800 4.650 127.410 64 Oficial 3ª 59.010 60.870 4.650 124.530 65 P. Espec. N-1 57.150 59.970 4.650 121.770 66 P. Espec. N-2 55.200 59.040 4.650 118.890 67 P. Espec. N-3 51.150 46.920 4.650 102.720 68 P. Espec. N-4 50.280 31.980 4.650 86.910 69 Peón 51.090 14.100 4.650 69.840 71 Empacadora 57.000 57.450 4.650 119.100
voluntaria
Código Categ. Categorías Salario base Gratificación
Plus distancia Total
72 Aux. Empe. N-1 51.150 46.920 4.650 102.720 73 Aux. Emp. N-2 50.280 31.980 4.650 86.910 74 Aux. Empa. N-3 51.090 14.100 4.650 69.840 81 Limpeza 57.000 57.450 4.650 119.100 82 Aux. Limp. N-1 51.150 46.920 4.650 102.720 83 Aux. Limp. N-2 50.280 31.980 4.650 86.910 84 Aux. Limp. N-3 51.090 14,100 4.650 69.840
ANEXO II
Clasificación profesional
O persoal afectado polo convenio que preste os seus servicios na empresa quedará comprendido con base á función que desempeñe dentro dos grupos xenéricos seguintes:
A. Técnicos.
B. Administrativos.
C. Subalternos.
D. Obreiros.
Grupo A. Técnicos.
Comprende á súa vez dous subgrupos coas seguintes categorías:
1. Técnicos titulados.
a) Con título superior.
b) Con título non superior.
2. Técnicos non titulados.
a) Xefe técnico de fabricación.
b) Encargado xeral.
c) Xefe de máquinas.
d) Encargado de sección.
e) Encargado de taller.
Grupo B. Administrativos.
Compóñeno as seguintes categorías:
a) Xefe de 1ª.
b) Xefe de 2ª.
c) Oficial de 1ª.
d) Oficial de 2ª.
e) Oficial de 3ª.
f) Auxiliar de 1ª.
g) Auxiliar de 2ª.
h) Auxiliar de 3ª.
i) Auxiliar de 4ª.
j) Aspirante.
Grupo C. Subalternos.
Comprende as seguintes categorías:
a) Vixilante de cámaras.
b) Vixilante.
c) Mozo dos recados.
d) Oficial de limpeza.
e) Auxiliar de limpeza 1ª.
f) Auxiliar de limpeza 2ª.
g) Auxliar de limpeza 3ª.
Grupo D. Obreiros.
Comprende sus tres grupos coas categorías que se detallan:
1ª. Oficios propios da industria do frío.
a) Maquinista.
b) Maquinista B-oficial de 2ª.
c) Axudante de máquinas.
d) Axudante de máquinas de 1ª.
e) Axudante de máquinas de 2ª.
f) Axudante de máquinas de 3ª.
g) Axudante de máquinas de 4ª.
2ª. Oficios auxiliares.
a) Oficial de 1ª.
b) Oficial de 2ª.
c) Oficial de 3ª.
d) Empacadora.
e) Auxiliar empacadora de 1ª.
f) Auxiliar empacadora de 2ª.
g) Auxiliar empacadora de 3ª.
h) Aprendiz.
3ª. Peonaxe.
a) Capataces.
b) Peón especializado de 1ª.
c) Peón especializado de 2ª.
d) Peón especializado de 3ª.
e) Peón.
* As categorías especificadas anteriormente teñen carácter enunciativo e non implican a obriga de teren previstas todas elas, se a necesidade e o volume da industria no o require.
Sen embargo, todo traballador que realice as funcións especificadas na definición dunha categoría profesional determinada haberá de ser remunerado, polo menos, coa retribución que a esta asigna este convenio unitario.
Son, así mesmo, enunciativos os distintos cometidos sinalados a cada categoría ou especialidade, pois todo traballador da industria está obrigado a realizar cantas tarefas e operacións lle ordenen os seus superiores, dentro dos xerais cometidos propios da súa categoría profesional.
5506
