Examinados os expedientes instruídos por instancia dos titulares dos centros nos que se solicita autorización definitiva para a apertura e funcionamento de centros privados de educación secundaria.
Tendo en conta que os expedientes foron tramitados polas delegacións provinciais da Consellería de Educación e Ordenación Universitaria, que os remite cos informes das unidades técnicas e inspeccións educativas.
Vistos a Lei 1/1990, do 3 de outubro (BOE do 4), de ordenación xeral do sistema educativo, Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve.
Considerando que concorren nos expedientes os requisitos esixidos nas disposicións vixentes para poder acceder ó solicitado.
Esta consellería, por proposta da Dirección Xeral de Ordenación Educativa e Centros,
DISPÓN:
Primeiro.-Autoriza-la apertura e funcionamento dos centros de educación secundaria, e, como consecuencia disto, establece-la configuración definitiva do centro existente no mesmo edificio ou recinto escolar, segundo se especifica no anexo.
Segundo.-A presente autorización producirá efectos progresivamente, a medida que se implanten as ensinanzas autorizadas de conformidade co calendario de aplicación da nova ordenación do sistema educativo, segundo os reais decretos 986/1991, do 14 de xuño e 1487/1994, do 1 de xullo.
Terceiro.-Antes do inicio das ensinanzas de educación secundaria obrigatoria que se autorizan, as delegacións provinciais da Consellería de Educación e Ordenación Universitaria, tralo informe das inspeccións educativas, aprobarán expresamente a relación de persoal que impartirá docencia nos ditos centros.
Cuarto.-Os centros de educación secundaria que pola presente orde se autorizan, deberán cumpri-la norma básica da edificación NBE-CPI/1991, de condicións de protección contra incendios nos edificios, aprobada por Real decreto 279/1991, do 1 de marzo (BOE do 8), e especialmente o establecido no seu anexo D, que establece as condicións particulares para o uso docente. Todo isto sen prexuízo de que teñan que cumprirse outros requisitos esixidos pola normativa municipal ou autonómica.
Quinto.-Quedan os centros obrigados ó cumprimento da lexislación vixente e a solicita-la oportuna revisión cando teñan que modificarse calquera dos datos que sinala a presente orde.
Santiago de Compostela, 6 de xuño de 1996.
Celso Currás Fernández
Conselleiro de Educación e Ordenación Universitaria
ANEXO
-Provincia: A Coruña.
Concello: Santiago de Compostela.
Localidade: Santiago de Compostela.
Domicilio: Rúa Virxe da Cerca, 31.
Denominación específica: San Francisco Javier.
Titular: Compañía de Jesús.
Composición resultante:
a) Centro de educación infantil: 3 unidades.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.
-Provincia: A Coruña.
Concello: Arzúa.
Localidade: Arzúa.
Domicilio: Arzúa.
Denominación específica: Escuela Familiar Agraria Piñeiral.
Titular: Centro de Iniciativas para la FASA.
Composición resultante:
a) Centro de formación profesional: 3 unidades de FP-2 da especialidade administración e xestión de empresas agrarias.
b) Centro de educación secundaria: 4 unidades de educación secundaria obrigatoria.
-Provincia: Pontevedra.
Concello: Sanxenxo.
Localidade: Portonovo.
Domicilio: estrada de Pombal-Adigna s/n.
Denominación específica: Abrente.
Titular: Adigna Soc. Coop. Lda.
Composición resultante:
a) Centro de educación infantil: 3 unidades.
b) Centro de educación primaria: 6 unidades e 1 unidade de educación especial.
c) Centro de educación secundaria: 4 unidades de educación secundaria obrigatoria.
-Provincia: Pontevedra.
Concello: Vigo.
Localidade: Vigo.
Domicilio: Rúa Salceda de Caselas, s/n.
Denominación específica: Montesol.
Titular: Cooperativa Montesol.
Composición resultante:
a) Centro de educación infantil: 3 unidades.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.
-Provincia: Pontevedra.
Concello: Vigo.
Localidade: Vigo.
Domicilio: José Antonio, 134.
Denominación específica: Mariano.
Titular: Congregación RR. Franciscanas M.D. Pastor.
Composición resultante:
a) Centro de educación infantil: 5 unidades.
b) Centro de educación primaria: 16 unidades.
c) Centro de educación secundaria: 12 unidades.
d) Centro de bacharelato de 4 unidades coas modalidades seguintes: ciencias da natureza e da saúde e humanidades e ciencias sociais.
-Provincia: Pontevedra.
Concello: Marín.
Localidade: Marín.
Domicilio: Calvo Sotelo, 26 e Chan do Monte.
Denominación específica: San Narciso.
Titular: PP Paúis.
Composición resultante:
a) Centro de educación infantil: 6 unidades.
b) Centro de educación primaria: 18 unidades.
c) Centro de educación secundaria: 16 unidades.
d) Centro de bacharelato de 6 unidades coas modalidades seguintes: ciencias da natureza e da saúde e humanidades e ciencias sociais.
5308
