Notificóuselle á Consellería de Sanidade e Servicios Sociais a providencia da Sala do Contencioso-Administrativo do Tribunal Superior de Xustiza de Galicia pola que se reclama o expediente relativo ó recurso nº 1/848/96, interposto por María Luisa Martorell Caldas e outros contra o Decreto 161/1996, do 25 de abril (DOG nº 94, do 14 de maio), polo que se modifican determinados preceptos do Decreto 200/1993, do 29 de xullo, de ordenación da atención primaria na Comunidade Autónoma de Galicia.
En consecuencia, esta dirección xeral acorda, de conformidade co disposto no artigo 8 da Lei 62/78, do 26 de decembro, de protección xurisdiccional dos dereitos fundamentais da persoa, a remisión do citado expediente administrativo, o que se notifica para xeral coñecemento de tódalas persoas interesadas no procedemento, que son emprazadas para que poidan comparecer en forma nos autos na Sección Primeira da referida sala no prazo de cinco días.
Santiago de Compostela, 14 de xuño de 1996.
Valeriano Martínez García
Director xeral de Recursos Humanos
5125