A Dirección Xerencia do Hosopital Montecelo en virtude das atribucións que lle foron delegadas conforme o establecido no artigo 7 da Orde de 22 de maio de 1996 (DOG do 6 de xuño de 1996), da Consellería de Sanidade e Servicios Sociais convoca o concurso público número 27/1996, polo procedemento aberto e trámite de urxencia seguinte:

Obxecto e orzamento: a contratación do servicio de limpeza dos conductos de aire acondicionado dos locais cirúrxicos da 1ª e 2ª planta do Hospital Montecelo para mellora de instalacións e actualización normativa, por un orzamento de cinco millóns de pesetas (5.000.000 de ptas.), IVE incluído.

Prazo de execución: a realización dos servicios obxecto do presente concurso público executaranse dentro do prazo de trinta días, contados a partir da data de formalización do contrato.

Documentos de interese para os licitadores: o prego de cláusulas administrativas particulares e de prescricións técnicas, e demais documentación complementaria poderá ser solicitada na sección de concursos do Hospital Motecelo, lugar de Mourente, s/n, CP 36071 de Pontevedra, nos días laborables desde as 9 ata as 14 horas, ou por teléfono ó nº (986) 80 00 17, ou fax ó nº (986) 80 00 01, durante o prazo de admisión das proposicións.

Fianzas: provisional, 100.000 ptas.; definitiva, 200.000 ptas., que se constituirá conforme o disposto no prego de cláusulas administrativas particulares.

Solvencia económica e financeira: as empresas licitadoras acreditarán a solvencia económico-financeira por calquera dos medios previsto no artigo 16 da LCAP (Lei 13 de 1995).

Solvencia técnica: acreditarase por algún dos medios previstos no artigo 19 da Lei 13/1995, de contratos das administracións públicas.

Criterios de adxudicación: os especificados no prego de cláusulas (punto 10).

Clasificación: non se esixe.

Presenteción das proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral do Hospital Montecelo, antes das catorce horas do décimo terceiro día natural contado a partir do seguinte ó da publicación desta resolución no DOG, ou por correo na forma indicada no artigo 100 do Regulamento xeral de contratación do estado.

Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas do Hospital Montecelo, ás dez horas do décimo primeiro día natural contado a partir do seguinte a aquel no que finlice o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar no día hábil seguinte.

Documentación que deberán achega-los licitadores: os documentos que figuran no prego de cláusulas administrativas.

Variantes: no se admitirá a presentación de variantes ou alternativas.

Anuncios: o importe dos anuncios do presente concurso público serán por conta do adxudicatario.

Pontevedra, 17 de xuño de 1996.

Rafael Pérez-Santamarina Feijoo

Director gerente del Hospital de Montecelo

4075