En virtude do convenio do 31 de maio de 1996 entre o Instituto Galego da Vivenda e Solo e a Sociedade de Xestión Urbanística de Pontevedra, S.A. (Xestur-Pontevedra), para a xestión do alleamento das parcelas C-85 e S-86 propiedade do dito organismo no parque empresarial de Pontevedra, infórmase que:
Cumpridos os trámites regulamentarios no correspondente expediente administrativo, a Dirección Xeral do Instituto Galego da Vivenda e Solo resolve convoca-lo seguinte concurso público:
Obxecto: concurso público para o alleamento das parcelas que se especifican, propiedade do Insituto Galego da Vivenda e Solo no parque empresarial do Campiño en Pontevedra.
Termo municipal: Pontevedra.
Destinatarios: poderá concorrer calquera persoa física ou xurídica que realice actividades mercantís, comprendendo as comerciais, industriais, servicios, etc.
Prego de bases: o prego de bases que rexerá o concurso público poderá examinarse en Xestur Pontevedra, rua Urzáiz 18-2º- Vigo, durante o prazo de presentación das ofertas.
Presentación das proposicións: as ofertas presentaranse en sobre pechado, coa documentación esixida no prego de bases, apartados A e B, nas oficinas de Xestur-Pontevedra, sitas na rua Urzáiz 18-2º de Vigo, en días hábiles, agás os sábados, das 10 ás 13 horas.
Prazo de admisión: o prazo de presentación das proposicións será de 15 días naturais contados a
partir do día seguinte da publicación deste anuncio no Diario Oficial de Galicia.
Prezos: os prezos que se establecen no anexo teñen o carácter de prezos mínimos, de maneira que non se adxudicará ningunha parcela por un prezo inferior.
O prezo de alleamento realizarase en concepto de corpo certo, polo que non caberá reclamación ningunha pola diferencia de superficie.
Fianza: coa presentación das ofertas de opción de compra esixirase en concepto de fianza o importe equivalente o 10% do prezo da parcela á que se opte (IVE non incluído). O pagamento da fianza deberá realizarse mediante talón conformado a nome do IGVS, ou por transferencia bancaria a c/c 112.798 do Banco Pastor O.P. de Santiago de Compostela.
-Parcela: C-85.
Superficie: 4.175.
Prezo (pesetas): 18.900.000.
IVE (16%): 3.024.000.
Total (pesetas): 21.924.000.
-Parcela: S-86.
Superficie: 3.438.
Prezo (pesetas): 16.285.000.
IVE (16%): 2.605.600.
Total (pesetas): 18.890.600.
Santiago de Compostela, 18 de xuño de 1996.
José Antonio Redondo López
Director xeral do Instituto Galego da Vivenda e Solo
5016