O Pleno do Concello, en sesión do día 3-6-1996, acordou o seguinte:

1º. Aprobar inicialmente o proxecto de urbanización da UE II-14 Roade (expediente nº 3962/401).

2º. Coa aprobación definitiva do proxecto de urbanización, os promotores da actuación deberán prestar fianza polo 100% do importe das obras de urbanización, que ascende á cantidade de 94.489.596 pesetas (IVE incluído).

3º. Somete-loe xpediente a información pública polo prazo de quince días, mediante a inserción de anuncios no DOG, BOP, un dos xornais de maior circulación da provincia e no tabloleiro oficial de edictos da Casa do Concello, con notificación ós interesados.

4º. Declarar que, en todo caso, a aproabción definitiva deste proxecto de urbanización quedará condicionada á previa aprobación do estudio de detalle (actualmente en trámite). En consecuencia, unha vez aprobado o estudio de detalle e de non se presentar alegación ningunha ó proxecto de urbanización, este considerarase aprobado definitivamente, sen necesidade do acordo expreso para o efecto, pero coa preceptiva publicación no BOP e comunicación ó órgano competente da Xunta de Galicia en materia urbanística (artigo 31.3º LASGA).

O que se fai público en cumprimento do punto 3º do acordo plenario e signifícase que o prazo de exposición ó público se entenderá aberto desde a primeira publicación ata o remate dos quince días contados desde o derradeiro anuncio.

A documentación atópase na oficina municipal de información (baixo do concello).

Vigo, 13 de xuño de 1996.

Manuel Pérez Álvarez

Alcalde

AVISO PARA OS ANUNCIANTES

PREZOS PARA A PUBLICACIÓN DE ANUNCIOS

NO DOG A PARTIR DO 1 DE XANEIRO DE 1996

(Decreto 289/1995, do 3 de novembro,

DOG do 9 do mesmo mes)

-Tramitación ordinaria: 445 pesetas/liña de 54 espacios.

-Tramitación urxente: 890 pesetas/liña de 54 espacios.