A Dirección Xerencia do Complexo Hospitalario Xeral-Calde de Lugo, en virtude das atribucións que lle foron delegadas conforme o establecido no apartado f do artigo 7 da Orde de 15 de setembro de 1994 (DOG nº 191 de 3 de outubro),convoca

expediente de contratación polo procedemento aberto, mediante concurso, da subministración de próteses para traumatoloxía.

I. Obxecto e orzamento.

Lote nº 1.-Subministración de próteses de cadeira cementadas por un orzamento máximo de 11.250.000 ptas. (IVE incluído).

Lote nº 2.-Subministración de próteses de cadeira híbridas, por un orzamento máximo de 4.000.000 de ptas. (IVE incluído).

Lote nº 3.-Subministración de próteses de rescate, por un orzamento máximo de 6.000.000 de ptas. (IVE incluído).

Lote nº 4.-Subministración de próteses de xeonllo, por un orzamento máximo de 8.400.000 ptas. (IVE incluído).

II. Prazo de entrega.

O material obxecto do presente concurso público deberá de ser entregado segundo a progamación que estableza o centro, a partir da data de notificación de adxudicación.

III. Documentos de interese para os licitadores.

O prego de cláusulas administrativas particulares e demais documentación complementaria poden ser solicitadas no Servicio de Subministracións do Complexo Hospitalario Xeral-Calde de Lugo, rúa Doutor Severo Ochoa s/n. Tfno. (982) 29 65 52 e fax (982) 21 29 24.

IV. Fianzas.

Deberá consignarse unha fianza provisional do 2% do orzamento de licitación, por un importe de duascentas vintecinco mil pesetas (225.000 ptas.) para o lote nº 1; de oitenta mil pesetas (80.000 ptas.) para o lote nº 2, de cento vinte mil pesetas (120.000 ptas.) para o lote nº 3, de de cento sesenta e oito mil pesetas (168.000 ptas.) para o lote nº 4, e unha fianza definitiva do 4% do orzamento. As devanditas fianzas constituiranse segundo o disposto nos artigos 36 e 37 da Lei 13/1995 de 18 de maio, de contratos das administracións públicas.

V. Solvencia económica e financeira.

Acreditarase por un ou varios dos medios establecidos no artigo 16 da Lei 13/1995, do 18 de maio, de contratos das administrancións públicas.

VI. Solvencia técnica.

Acreditarase por un ou varios dos medios establecidos no artigo 18 da Lei 13/1995, do 18 de maio de contratos das administracións públicas.

VII. Clasificación.

Non se precisa.

VIII. Criterios de adxudicación.

-Valoración técnica ata 5 puntos.

-Prezo ata 4 puntos.

-Prazo de entrega ata 3 puntos.

IX. Admisión de variantes.

Non se admiten variantes.

X. Presentación de proposicións.

As proposicións deberanse presentar en man, en sobres pechados e asinados polo licitador ou persoa que o represente, no rexistro do Complexo Hospitalario Xeral-Calde antes das 14 horas do vixésimo sexto día natural contado a partir do seguinte ó da publicación no DOG. Cando a proposición se envíe por correo, o licitador deberá xustifica-la data de imposición do envío na oficina de correos e anunciarlle o Complexo Hospitalario Xeral-Calde a remisión da oferta mediante fax ou telegrama no mesmo día.

XI. Apertura de proposicións.

A apertura das proposicións admitidas será realizada pola mesa de contratación, reunida en acto público na sala de xuntas do Complexo Hospitalario Xeral-Calde de Lugo ás 10 horas do décimo-primeiro día natural contado a partir do seguinte a aquel no que finalice o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar o día hábil seguinte.

XII. Documentación que deberán aporta-los licitadores.

Os documentos que figuran no prego de cláusulas administrativas particulares.

XIII. Anuncios.

Os anuncios do presente concurso público serán por conta dos adxudicatarios do contrato.

Lugo, 14 de maio de 1996.

Luis E. Vicente Sánchez

Director xerente do Complexo Hospitalario Xeral-Calde de Lugo

4720