Aprobación definitiva da modificación puntual do PXOU para a recualificación dos terreos afectos á zona ferroviaria e equipamento ferroviario e obtención de terreos polo concello con destino a un centro intermodal de transportes, ou uso dotacional ou de fin público, equipamento comunitario e avenida Eduardo Pondal, en execución do convenio formalizado con Renfe.
O Pleno da Corporación, en sesión ordinaria do día 25 de abril de 1996, adoptou o seguinte acordo:
«Prestar aprobación definitiva de maneira parcial ó proxecto de modificación puntual do PXOU para a recualificación dos terreos de Renfe afectos á zona ferroviaria de equipamento ferroviario e obtención de terreos polo concello para centro intermodal de transportes ou uso dotacional ou de fin público, equipamento comunitario docente ou socio-asistencial e para a avenida Eduardo Pondal, en cumprimento do convenio formulado entre Renfe e este concello, sendo formulado o documento de modi
ficación do planeamento de ordenación integral do municipio pola citada empresa e redactado polo arquitecto Manuel Jesús Freijeiro (Arteplán, S.L.).
Así mesmo, acordouse suspende-la ordenación proposta polo citado proxecto de modificación puntual en canto ás previsións relativas ó centro intermodal de transportes, afectadas polo informe da Consellería de Política Territorial, Obras Públicas e Vivenda do 8-2-1996, procedendo, se é o caso, esta administración municipal, o cumprimento da concreción da conexión viaria exterior do centro intermodal de transportes como a súa financiación, ben mediante a reforma do proxecto, ben mediante a confección dun novo proxecto de modificación do PXOU de maior ámbito, someténdose en calquera caso á tramitación procedemental normativamente establecida».
O que se fai público para a súa executividade, subliñándose que contra este acordo, que esgota a vía administrativa, poderá interpoñerse recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses computados a partir do día seguinte a esta publicación, logo de comunicación ó órgano que dictou o acto impugnado, e isto sen prexuízo de que se poida exercitar, se é o caso, calquera outro recurso que se considere procedente.
Pontevedra, 27 de maio de 1996.
Juan Luis Pedrosa Fernández
Alcalde
Julio Dapena Outomouro
Secretario xeral
4892