En cumprimento do disposto no artigo 18.2º da Lei 3/1985, do 12 de abril, do patrimonio da Comunidade Autónoma e 46.2º do seu Regulamento, e á vista das competencias que teño atribuídas conforme o Decreto 117/1994, do 4 de marzo,

RESOLVO:

Facer público que, por razóns das peculiaridades do inmoble (situación nun punto estratéxico do parque natural da Baixa Limia-Serra do Xurés, antigüidade, arquitectura e dimensións da edificación) xustifícase, logo da fiscalización da Intervención Delegada da Consellería de Economía e Facenda e por proposta da Consellería de Agricultura, Gandería e Montes, a utilización do procedemento de contratación directa na adquisición do inmoble sito na estrada de Portugal, s/n, Fondevila-Lobios (Ourense).

Santiago de Compostela, 15 de maio de 1996.

Emilio Álvarez Rey

Secretario xeral e do Patrimonio

4881