A Secretaría Xeral da Consellería de Agricultura, Gandería e Montes, resolveu convoca-la seguinte licitación polo sistema de concurso público aberto:
Obxecto: contratación da subministración consistente na adquisición de reactivos, instrumental e equipamento de laboratiro, de acordo cos proxectos e pregos aprobados para iso.
Orzamento de licitación: vintesete millóns de pesetas (27.000.000 de ptas.).
* Lote 1. Reactivos para diagnóstico serolóxico de leucose bovina enzoótica suficientes para 80.000 determinacións: 6.000.000 de ptas.
* Lote 2. Reactivos para diagnóstico serolóxico da enfermidade de Aujeszky suficientes para 50.000 determinacións: 4.000.000 de ptas.
* Lote 3. Reactivos para cultivo e identificación de xermes en análises bacteriolóxicos: 5.000.000 de ptas.
* Lote 4. 2 estufas para cultivos celulares con CO2 e refrixeradas e 1 estufa para cultivos bacterianos con CO2: 6.000.000 de ptas.
* Lote 5. 1 dispensador automático de microplacas e 1 lavador de placas: 3.300.000 ptas.
* Lote 6. Equipamento de mobiliario: 2.700.000 ptas.
** Total: 27.000.000 de ptas.
A forma de licitación será por lotes.
Fianza provisional: 2% do orzamento de licitación do lote ou lotes ofertados.
Fianza definitiva: 4% do orzamento de licitación do lote ou lotes adxudicados.
Exposición do proxecto e pregos: o prego de cláusulas administrativas particulares así como o de prescricións técnicas estarán á disposición dos licitadores para o seu exame durante o prazo de presentación de ofertas, os días e horas hábiles de oficina, na Dirección Xeral de Producción Agropecuaria e Industrias Agroalimentarias da Consellería de Agricultura, Ganadería e Montes (edificio administrativo, San Caetano, Santiago de Compostela).
Modelo de proposición: a proposición económica formularase estrictamente conforme o modelo que figura no prego de cláusulas administrativas particulares.
Presentación e apertura de proposicións: as ofertas deberán presentarse no rexistro xeral da Consellería de Agricultura, Gandería e Montes ou en calquera das vías admitidas polo artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, antes das 14 horas do día 22 de xullo de 1996.
A apertura de proposicións terá lugar o día 29 de xullo de 1996, ás 13 horas, nas oficinas da Secretaría Xeral da Consellería de Agricultura, Gandería e Montes (San Caetano, Santiago de Compostela).
Gastos de publicación: serán por conta dos adxudicatarios.
Santiago de Compostela, 13 de xuño de 1996.
P.D. (Orde 13-12-1993, DOG nº 239, 14-12-1993)
Antonio L. Rosón Pérez
Secretario xeral da Consellería de Agricultura, Gandería e Montes
4749